ఈ-కామర్స్ దిగ్గజం అమెజాన్ (Amazon) కీలక మలుపులోకి ప్రవేశించింది. కంపెనీలో ఆర్టిఫిషియల్ ఇంటెలిజెన్స్ (AI) వినియోగం వేగంగా పెరుగుతోంది. దీని ప్రభావంగా భవిష్యత్తులో ఉద్యోగాల సంఖ్య తగ్గే అవకాశం ఉందని CEO ఆండీ జాస్సీ (Andy Jassy) స్పష్టం చేశారు.జూన్ 17న అమెజాన్లోని 15 లక్షల మంది ఉద్యోగులకు జాస్సీ మెమో పంపించారు. ఇందులో AI వల్ల కొన్ని విభాగాల్లో ఉద్యోగ అవసరం తగ్గుతుందని తెలిపారు. “రాబోయే సంవత్సరాల్లో కార్పొరేట్ ఉద్యోగుల సంఖ్య తగ్గొచ్చు” అని ఆయన పేర్కొన్నారు.AI ఏజెంట్లు, జనరేటివ్ AI వ్యవస్థలు పరిశోధన, కోడింగ్, ఆటోమేషన్ పనుల్లో మానవులను మించిన పనితీరు చూపుతున్నాయి. ప్రతి రంగంలో AI కీలక పాత్ర పోషించనుందని జాస్సీ అభిప్రాయపడ్డారు. “షాపింగ్ నుంచి ట్రావెల్ వరకూ అన్నింటికీ AIే దారి చూపుతుంది” అని వ్యాఖ్యానించారు.
వందలాది AI సేవలతో ముందంజ
అమెజాన్ ఇప్పటికే వెయ్యికి పైగా AI ఆధారిత సేవలను అభివృద్ధి చేస్తోంది. నెక్స్ట్-జన్ అలెక్సా, షాపింగ్ టూల్స్, చాట్బాట్లు, సరుకుల నిల్వల నిర్వహణలో కూడా AIను వినియోగిస్తోంది. జనరేటివ్ AI సేవలు రోజురోజుకీ విస్తరిస్తున్నాయని జాస్సీ తెలిపారు.
AI మార్పును స్వీకరించండి: ఉద్యోగులకు సూచన
ఉద్యోగాల కోతపై హెచ్చరించినప్పటికీ, AI పరిజ్ఞానం కలిగినవారికి ఇది అవకాశంగా మారుతుందని జాస్సీ అన్నారు. “AI నేర్చుకోండి, వర్క్షాప్లకు హాజరయ్యండి, శిక్షణ తీసుకోండి” అని ఉద్యోగులకు సూచించారు. నూతన టెక్నాలజీని అంగీకరించినవారికి భవిష్యత్తులో మెరుగైన అవకాశాలున్నాయని అన్నారు.
AI మార్పు జీవితకాలం లొకే వన్టైం ఛాన్స్
“జనరేటివ్ AI లాంటి సాంకేతికత జీవితంలో ఒక్కసారే వస్తుంది. ఇది వ్యాపారం, వినియోగదారుల ప్రపంచాన్ని శాశ్వతంగా మార్చేస్తుంది” అని జాస్సీ స్పష్టం చేశారు. AI ఏజెంట్ల అభివృద్ధిని వేగవంతం చేస్తామని చెప్పారు. ఉద్యోగులందరూ ఈ మార్పులో భాగస్వాములవ్వాలని పిలుపునిచ్చారు.
Read Also : Harry Brook : 300 మార్కు దాటిన ఇంగ్లాండ్