Audio Jammer: శాన్ ఫ్రాన్సిస్కోకు చెందిన డెవిలెన్స్ (Devilence) అనే స్టార్టప్ కంపెనీ గోప్యతను కాపాడే సరికొత్త సాంకేతికతను అందుబాటులోకి తెచ్చింది. స్పెక్టర్ I (Spectre I) పేరుతో ఒక పోర్టబుల్ ఏఐ (AI) ఆడియో జామింగ్ పరికరాన్ని ఆవిష్కరించింది. ఈ పరికరం యొక్క ప్రధాన ఉద్దేశ్యం చుట్టుపక్కల ఉన్న మైక్రోఫోన్లు రహస్యంగా ఆడియో రికార్డ్ చేయకుండా అడ్డుకోవడం. డిజిటల్ యుగంలో వ్యక్తిగత సంభాషణలు లీక్ కాకుండా ఉండేందుకు ఇది ఒక శక్తివంతమైన రక్షణ కవచంలా పనిచేస్తుంది.
Read Also: Realme new phone : Realme C83 5G లాంచ్ 7000mAh బ్యాటరీతో కొత్త ఫోన్
ఇకపై మీ సంభాషణలు పరాయి వ్యక్తులు వినలేరు!
ఈ పరికరం అత్యంత సామర్థ్యంతో కూడిన, మానవ చెవులకు వినబడని ఓమ్నిడైరెక్షనల్ (Omnidirectional) సిగ్నల్లను విడుదల చేస్తుంది. ఈ సిగ్నల్స్ మైక్రోఫోన్ల పరిధిలోకి వెళ్లినప్పుడు ఆడియోను పూర్తిగా వక్రీకరిస్తాయి, తద్వారా రికార్డ్ అయిన శబ్దం ఎవరికీ అర్థం కాకుండా పోతుంది. ఇందులో అమర్చిన కృత్రిమ మేధ (AI) సాంకేతికత సమీపంలోని మైక్రోఫోన్లను ఇట్టే గుర్తించి, వాటిని జామ్ చేయగలదు. వినియోగదారుల గోప్యతకు భంగం కలగకుండా చూడటంలో ఇది విప్లవాత్మక మార్పుగా నిపుణులు భావిస్తున్నారు.
కార్పొరేట్ గూఢచర్యం, వ్యవస్థీకృత నిఘా మరియు రహస్య రికార్డింగ్ల నుండి రక్షణ పొందాలనుకునే వారికి స్పెక్టర్ I ఒక అద్భుతమైన పరిష్కారం. ముఖ్యంగా వ్యాపార చర్చలు, గోప్యమైన సమావేశాలు నిర్వహించే సమయంలో అనధికారిక నిఘా నుండి ఇది పూర్తి భద్రత కల్పిస్తుందని డెవిలెన్స్ కంపెనీ స్పష్టం చేసింది. పోర్టబుల్ కావడంతో దీనిని ఎక్కడికైనా సులభంగా తీసుకెళ్లవచ్చు.
Read hindi news: hindi.vaartha.com
Epaper: epaper.vaartha.com
Read Also: