ఈ రోజుల్లో కృత్రిమ మేధ (AI) మాట ఎక్కడ వినిపించినా అద్భుతం అనిపిస్తుంది.కానీ అదే టెక్నాలజీ మన భవిష్యత్తుపై ముప్పుగా మారబోతుందని ప్రముఖులు హెచ్చరిస్తున్నారు. ప్రపంచవ్యాప్తంగా ప్రభావం చూపిన బిల్ గేట్స్, బరాక్ ఒబామా ఇప్పుడు ఏఐ గురించి ఆందోళన వ్యక్తం చేశారు.మైక్రోసాఫ్ట్ సహ వ్యవస్థాపకుడు బిల్ గేట్స్ మాట్లాడుతూ, రాబోయే కాలంలో ఏఐ మన పనులను పూర్తిగా మార్చేస్తుందని చెప్పారు.”గత వందేళ్లలో ఎప్పుడూ జరగని విధంగా, పెద్ద మార్పు జరగబోతోంది. లక్షలాది ఉద్యోగాలు ఏఐ చేత భర్తీ చేయబడతాయి,” అని గేట్స్ స్పష్టం చేశారు.అతని మాటల్లో, ఇప్పటిదాకా అరుదుగా లభించే నైపుణ్యం కూడా ఇక అందరికీ సులభంగా అందుబాటులోకి వస్తుంది.వైద్య సలహాలు, ట్యూషన్ క్లాసులు, ప్రైవేట్ ఉపాధ్యాయుల సాయం – ఇవన్నీ AI ద్వారా పొందే రోజులు దగ్గరలోనే ఉన్నాయి. ఇదంతా వింటే అద్భుతంగా అనిపించవచ్చు.
కానీ అదే ఉద్యోగ భద్రతపై కొత్త ప్రశ్నలు రేకెత్తిస్తోంది.బిల్ గేట్స్ మాట్లాడుతూ, రేపట్లో మనం వారానికి రెండు రోజులు పని చేస్తే చాలనిపించవచ్చు.ఏఐ వల్ల పని తీరు పూర్తిగా మారుతుంది. ఇది మానవాళికి ఉపయోగపడినా, ఆ మార్పు కొంత భయానకంగా ఉంటుంది, అన్నారు.ఇంకా తీవ్రంగా స్పందించినవారు అమెరికా మాజీ అధ్యక్షుడు బరాక్ ఒబామా. “ఇది కేవలం ఫ్యాక్టరీల్లో ఆటోమేషన్ లాగా కాదు. ఇది మేధోపరమైన పనుల్లోనూ వినియోగించబడుతుంది, అన్నారు.
కోడింగ్ వంటి టెక్నికల్ పనుల్లో కూడా ఇప్పుడు ఏఐ మానవుల కంటే మెరుగ్గా పనిచేస్తోందని ఒబామా చెప్పారు.ఇప్పటికే సిలికాన్ వ్యాలీలో ఉన్న పెద్ద ఉద్యోగాలు కూడా ప్రమాదంలో ఉన్నాయి. మంచి జీతాలు, మంచి స్థిరత ఉన్న ఉద్యోగాలు కూడా రేపటి రోజున ఉండవు, అని ఆయన హెచ్చరించారు.ఒబామా స్పష్టం చేశారు – అత్యున్నత నైపుణ్యంతో ఉన్నవారు తప్ప, సాధారణ ఉద్యోగులు తీవ్రంగా ప్రభావితమవుతారు. ఇది కేవలం కార్మికుల సమస్య కాదు. ఉద్యోగం ఎలా దొరకాలి? కుటుంబానికి ఆదాయం ఎలా రావాలి? అనే ప్రశ్నలు ప్రతి ఒక్కరినీ వెంటాడతాయి, అని తెలిపారు.అంతేకాదు, మనం ఎన్ని వస్తువులు ఉత్పత్తి చేసినా, వాటిని సమర్థంగా పంచుకోవాలనే బాధ్యత సమాజంపై ఉందని ఆయన గుర్తుచేశారు. మన జీవితానికి అసలు అర్థం ఏమిటి? మన విలువలు ఏవి? అనే ప్రశ్నలు తప్పక అడగాల్సి ఉంటుంది,” అని ఒబామా స్పష్టంచేశారు.
Read Also : Oppo K13 5G: ఒప్పో నుంచి కొత్త ఫోన్..అదిరిపోయేలా ఫీచర్స్!