ఆసియా కప్ టోర్నమెంట్ దగ్గరగా వస్తున్న వేళ, సునీల్ గవాస్కర్ చేసిన వ్యాఖ్యలు క్రీడా ప్రపంచంలో చర్చనీయాంశంగా మారాయి. భారత్, శ్రీలంక సంయుక్తంగా ఆతిథ్యం ఇస్తున్న ఈ టోర్నీలో పాకిస్థాన్ పాల్గొనడం అనుమానమేనని ఆయన అభిప్రాయపడ్డారు.గవాస్కర్ వ్యాఖ్యలపై పాకిస్థాన్ మాజీ ఆటగాళ్లు ఆగ్రహం వ్యక్తం చేశారు. ప్రముఖ బ్యాటర్ జావేద్ మియాందాద్ సహా పలువురు మాజీ క్రికెటర్లు ఈ వ్యాఖ్యలను తీవ్రంగా ఖండించారు. గవాస్కర్ నిజంగా ఇలా మాట్లాడారని తాను నమ్మలేకపోయానని మియాందాద్ అన్నారు.”సన్నీ భాయ్ ఎప్పుడూ రాజకీయాల నుంచి దూరంగా ఉంటారు. ఆయన మాటలు వినగానే షాక్కు గురయ్యాను,” అని మియాందాద్ ఒక ఇంటర్వ్యూలో తెలిపారు. మైదానంలో తామిద్దరి మధ్య మంచి అనుబంధం ఉందని గుర్తు చేశారు.మరోవైపు, స్పిన్నర్ ఇక్బాల్ ఖాసిం కూడా ఇదే అభిప్రాయాన్ని వ్యక్తం చేశారు.
గవాస్కర్ లాంటి లెజెండ్ ఇటువంటి వ్యాఖ్యలు చేయడం బాధాకరమన్నారు. “క్రీడను రాజకీయాలతో కలపడం సరికాదు. ఆయనకు రెండు దేశాల్లో అభిమానులు ఉన్నారు,” అని చెప్పారు.బాసిత్ అలీ గవాస్కర్ వ్యాఖ్యలను మరింత తీవ్రంగా విమర్శించారు. “ఇది తెలివితక్కువ మాట” అంటూ ఫైర్ అయ్యారు. ఆధారాలు లేకుండా ఇలాంటి వ్యాఖ్యలు చేయడం తప్పని అన్నారు. “మొదట దర్యాప్తు పూర్తయ్యే వరకు ఎదురు మాట్లాడొద్దు,” అని హితవు పలికారు.ముస్తాక్ అహ్మద్ కూడా ఈ వివాదంపై స్పందించారు.
“మేం క్రికెట్ను రాజకీయంగా మార్చకూడదు,” అన్నారు.దిగ్గజాలు ఎక్కువ జాగ్రత్తగా వ్యవహరించాలని సూచించారు. “కోపంలో తీసుకున్న నిర్ణయం, తరువాత పశ్చాత్తాపానికి దారి తీస్తుంది,” అంటూ హజ్రత్ అలీ మాటలు గుర్తు చేశారు.గవాస్కర్ వ్యాఖ్యల నేపథ్యంగా, కాశ్మీర్లో జరిగిన దాడిని భారత్ తీవ్రమైన విధంగా ఆగ్రహంతో స్వీకరించింది. ఆ దాడిలో 26 మంది ప్రాణాలు కోల్పోయారు. ఈ ఘటనపై పాక్ పాత్ర ఉందని ఆరోపణలతో ఉద్రిక్తతలు మరింత పెరిగాయి.అయితే, పాక్ వన్డే జట్టు కెప్టెన్ మహ్మద్ రిజ్వాన్ మాత్రం తటస్థంగా స్పందించారు. రాజకీయాలు ఎలా ఉన్నా, క్రికెట్ మాత్రం ఆగకూడదని అన్నారు. “భారత్-పాకిస్థాన్ క్రికెట్ కొనసాగాలి” అని ఆయన తన అభిప్రాయాన్ని మళ్లీ తెలియజేశారు.ఈ వివాదంతో ఆసియా కప్ ఆతిథ్యంపై స్పష్టత రాకపోయినా, క్రికెట్ అభిమానుల్లో మాత్రం కలవరం మొదలైంది.
Read Also : IPL 2025 : భారీ స్కోరు సాధించిన కేకేఆర్
