Children Stories: వివేకంతో ఆలోచించాలి

అతి వేగంగా భయంతో అరుస్తూ పరుగెత్తుతున్న కుందేలును చూసి, ఇంకో కుందేలు కూడా దాని వెనకే పరుగెత్తటం ప్రారంభించింది. “ఏమైంది? ఎందుకు భయంతో పరుగెత్తుతున్నావు?” కుందేలు వెనకే వస్తూ అడిగింది. రెండో కుందేలు. “నన్నేమీ అడగకు, పరుగెత్తు” అని వేగం పెంచింది మొదటి కుందేలు. ఈ రెండు కుందేళ్లు పరుగెత్తటం చూసి ఒకటొకటిగా ఇతర కుందేళ్లు సైతం వాటి వెంట పరుగిడసాగాయి. “ఏమైంది?” ఎందుకు? మనం ప్రాణ భయంతో పరుగెత్తుతున్నాం?” మొదటి కుందేలు పరుగు ఆపకుండా. వెనక్కి తిరిగి చూడకుండానే సమాధానం ఇచ్చింది. “పరుగెత్తండి.. భూమి తలకిందులవుతోంది”. దాంతో మిగతా కుందేళ్లు కూడా పరుగువేగం పెంచాయి. ఈ రకంగా కొన్ని వేల కుందేళ్ల గుంపు ఎటు పరుగెత్తుతున్నాయో, గమ్యం ఏమిటో కూడా తెలియకుండా. కుందేళ్లు ఇలా గుంపులా పరుగెత్తటం చూసి ఒక లేడి కూడా వాటి వెంట పరుగు ఆరంభించింది.

“ఏమైంది? ఎందుకు పరుగెత్తుతున్నాం?” అని అడుగుతూనే ఉన్నాయి.
“భూమి తలకిందులయ్యిందట” ఎవరో సమాధానం ఇచ్చారు. అలా ప్రశ్న, సమాధానం చెప్పుకుంటూనే అడవి దారిన జంతువులన్నీ పరుగు పెడుతూనే ఉన్నాయి. ఇలా జంతువులన్నీ పరుగెత్తటం చూశాడు బోధిసత్వుడు. విషయం తెలుసుకుందామని పరుగెడుతున్న జంతువును అడిగాడు. “ఎందుకని పరుగెడుతున్నారు? ఎటు పరుగులు తీస్తున్నారు?”
జంతువులు పరుగు ఆపలేదు. “భూమి తలకిందువుతోంది” పరుగు ఆపకుండానే చెప్పింది.. బోధిసత్త్వుడు ఆలోచించాడు. ‘భూమి తలకిందులవటం అసంభవం.

కుందేళ్లను అడిగితే సౌమ్యుడనే కుందేలు మొదట పరుగు ప్రారంభించినట్టు తెలిసింది.
“సౌమ్యా, భూమి తలకిందులటం నువ్వు చూశావా?” అడిగాడు, బోధిసత్వుడు..
“నేను చూశాను”
“ఎక్కడ నుండి చూశావు?”
“పశ్చిమ సముద్రం దగ్గర. వనంలో పడుకుని వున్నప్పుడు భూమి తలకిందులయితే ఎటు పోవచ్చని అలోచించాను.

అంతలోనే భూమి తలకిందులయిన పెద్ద శబ్దం వినిపించింది. నేను పరుగెత్తటం ప్రారంభించాను”,
దాని మాటలకు బోధిసత్వుడు నవ్వాడు. “నువ్వు మారేడు పండు రాలిన చప్పుడు విన్నావు. భూమి తలకిందులయిందని భ్రమ పడ్డావు. పదండి.. నాతో రండి. ఆ తోటకు వెళ్లి చూద్దాం. భూమి తలకిందులయిందో, లేదో తెలుసుకుందాం”. జంతువులు అటు రావటానికి భయపడ్డాయి..
కుందేలు ముందు భయపడింది. బోధిసత్వుడు దైర్యం చెప్పటంతో అతడి వీపునెక్కి కూర్చుంది.
ఇద్దరూ కలసి కుందేలు పడుకున్న చోటుకు వెళ్లారు.