హైదరాబాద్ శివారు అమీన్‌పూర్ మున్సిపాలిటీ కిష్టారెడ్డి పేటలోని ఓ ప్రయివేట్ గర్ల్స్ హాస్టల్‌లో మరో సంచలన ఘటన వెలుగుచూసింది. మైత్రి విల్లాస్‌లో బండారు మహేశ్వర్ అనే వ్యక్తి గత నాలుగేళ్లుగా ఈ హాస్టల్‌ను నిర్వహిస్తున్నాడు. సమీపంలోని ఇంజినీరింగ్ కాలేజ్ విద్యార్థినులు ఈ హాస్టల్‌లో నివసిస్తూ చదువుకుంటున్నారు. అయితే, శుక్రవారం హాస్టల్‌లోని ఓ గదిలో అనుమానాస్పద వస్తువు కనిపించడం కలకలం రేపింది.అదనపు ఛార్జర్‌లా కనిపించిన ఆ వస్తువు విద్యార్థినుల్లో అనుమానం రేకెత్తించింది. అది సెల్ఫోన్ ఛార్జర్‌లా ఉండటమే కాకుండా, హిడెన్ కెమెరా మాదిరిగా అనిపించడంతో విద్యార్థినులు వెంటనే పోలీసులకు సమాచారం ఇచ్చారు. సమాచారం అందుకున్న అమీన్‌పూర్ పోలీసులు హాస్టల్‌కు చేరుకొని విస్తృతంగా తనిఖీలు నిర్వహించారు.
సంచలన విషయాలు
పోలీసుల తనిఖీలో మరో సంచలన విషయాలు బయటపడ్డాయి. దీంతో హాస్టల్ నిర్వాహకుడు బండారు మహేశ్వర్‌ను అదుపులోకి తీసుకొని విచారణ చేపట్టారు. ప్రాథమిక విచారణలో హాస్టల్ గదుల్లో ఎక్కడైనా మరికొన్ని హిడెన్ కెమెరాలు ఉన్నాయా? గతంలో విద్యార్థినుల వ్యక్తిగత గోప్యతకు భంగం కలిగించేలా ఏమైనా చర్యలు జరిగాయా? అనే కోణాల్లో పోలీసులు దర్యాప్తు చేస్తున్నారు.హాస్టల్ నిర్వాహకుడు గతంలో కూడా ఇలానే హిడెన్ కెమెరాలు ఏర్పాటు చేశాడా? దీనిపై పోలీసుల అనుమానాలు గట్టిగా ఉన్నాయి. అయితే, హాస్టల్‌లో స్వాధీనం చేసుకున్న చిప్స్‌లో ఏమైనా వీడియోలున్నాయా? అన్నది ఇంకా నిర్ధారణ కాలేదు. పోలీసులు అన్నిచోట్ల విచారణ జరిపి, తగిన చట్టపరమైన చర్యలు తీసుకుంటామని తెలిపారు.
సామాజిక మాధ్యమాల్లో
ఈ ఘటనను సామాజిక మాధ్యమాల్లో విద్యార్థినులు పంచుకోవడంతో ఇది పెద్ద ఎత్తున చర్చనీయాంశమైంది. మహిళల భద్రతకు సంబంధించిన ఇలాంటి సంఘటనలు జరుగుతుండటంతో ప్రయివేట్ హాస్టళ్లపై మరింత గట్టి నియంత్రణ అవసరమని పలువురు అభిప్రాయపడుతున్నారు. ఇక విద్యార్థినుల భద్రతను దృష్టిలో ఉంచుకుని, హాస్టళ్లకు మరింత కఠిన నియమాలు తీసుకురావాలని కోరుతున్నారు.ఈ ఘటన మరోసారి ప్రయివేట్ హాస్టళ్లలో భద్రతా లోపాలను స్పష్టంగా చూపించింది. యువతుల గోప్యతకు ముప్పుగా మారే ఇలాంటి ఘటనలు పునరావృతం కాకుండా ఉండాలంటే, సంబంధిత అధికారులు మరింత చురుగ్గా వ్యవహరించాలని నిపుణులు సూచిస్తున్నారు. పోలీసులు ఈ కేసును తీవ్రంగా తీసుకుని, పూర్తి నిజానిజాలు వెలికితీసి బాధ్యులపై కఠిన చర్యలు తీసుకుంటారని విద్యార్థినులు ఆశిస్తున్నారు.కిష్టారెడ్డి పేటకు చెందిన బండారు మహేశ్వర్ ..అమీన్‌పూర్‌లోని తన సొంత విల్లాలో గత నాలుగేళ్లుగా గర్ల్‌ హాస్టల్ నిర్వహిస్తున్నట్టు గుర్తించారు పోలీసులు. హాస్టల్‌లో స్వాధీనం చేసుకున్న చిప్స్‌లో ఎలాంటి వీడియోస్‌ లేవని గుర్తించారు.
తెలంగాణ రాష్ట్ర ముఖ్యమంత్రి రేవంత్ రెడ్డి రేపు మరోసారి ఢిల్లీ పర్యటనకు వెళ్లనున్నారు. ఈ పర్యటనలో ఆయనతో పాటు డిప్యూటీ సీఎం భట్టి విక్రమార్క కూడా హస్తినకు Read more
తెలంగాణ రాష్ట్ర ప్రభుత్వ ఉద్యోగాలకు సంబంధించిన గ్రూప్ 3 పరీక్షలు నవంబర్ 17 మరియు 18 తేదీల్లో నిర్వహించబోతున్నాయి. తెలంగాణ ప్రభుత్వ ఉద్యోగ నియామక కమిషన్ (TSPSC) Read more
హైదరాబాద్ : హైదరాబాద్ ట్రాఫిక్‌ విభాగంలో సోమవారం నుంచి ట్రాన్స్‌జెండర్లు విధులు నిర్వహించనున్నారని నగర పోలీస్‌ కమిషనర్‌ సీవీ ఆనంద్‌ వెల్లడించారు. ఆదివారం బంజారాహిల్స్‌లోని కమాండ్‌ అండ్‌ Read more
హైదరాబాద్ లో హైడ్రా ప్రారంభం అయినప్పటి నుంచి అక్రమ కట్టడాల గుండెలో భయాన్ని పుట్టిస్తున్నది. మరోవైపు ఆక్రమణలపై హైడ్రా మరింత దూకుడుగా ముందుకు పోతోంది. అయితే హైడ్రా Read more