టీమిండియా మాజీ కెప్టెన్, చెన్నై సూపర్ కింగ్స్ (CSK) లెజెండ్ ఎంఎస్ ధోనీ మళ్లీ తన మేటి వ్యక్తిత్వాన్ని చూపించారు. ఇటీవల చెన్నైలో జరిగిన ఓ ప్రత్యేక కార్యక్రమంలో పాల్గొన్న ఆయన, విరాట్ కోహ్లీతో తన అనుబంధం గురించి చేసిన వ్యాఖ్యలు ఇప్పుడు సోషల్ మీడియాలో హల్చల్ చేస్తున్నాయి. క్రికెట్ అభిమానుల హృదయాలను తాకేలా, తన సరళమైన భాషలో మహీ చెప్పిన మాటలు నిజమైన బంధానికి నిదర్శనంగా నిలిచాయి.మహేంద్ర సింగ్ ధోని అంతర్జాతీయ క్రికెట్ నుంచి రిటైర్ అయిన తర్వాత ఐపీఎల్లో మాత్రమే ఆడుతున్నారు. విరాట్ కోహ్లీ (Virat Kohli) కూడా టెస్ట్, టీ20 ఫార్మాట్ల నుంచి రిటైర్ అయ్యారు. దీంతో ఈ ఇద్దరు ఆటగాళ్లు కేవలం ఐపీఎల్లో మాత్రమే కలిసి కనిపిస్తుంటారు. తరచుగా విరాట్ కోహ్లీ, ఎంఎస్ ధోనితో సరదాగా గడపడం, ఆయన వెంట పడటం వంటివి అభిమానులను ఆకట్టుకుంటాయి.
ఇద్దరి మధ్య ఉన్న స్నేహాన్ని
చెన్నైలో జరిగిన ఒక కార్యక్రమంలో ఒక అభిమాని విరాట్ కోహ్లీతో తన అనుబంధం గురించి ధోనిని ప్రశ్నించారు. దీనికి సమాధానంగా ఎంఎస్ ధోని నవ్వుతూ..”విరాట్ కోహ్లీ ఒక మంచి గాయకుడు, డ్యాన్సర్, మిమిక్రీలో నిష్ణాతుడు, మూడ్ ఉంటే చాలా వినోదాత్మకంగా ఉంటాడు!” అని సరదాగా బదులిచ్చారు. ఈ వ్యాఖ్యలు ఇద్దరి మధ్య ఉన్న స్నేహాన్ని, సాన్నిహిత్యాన్ని చాటిచెప్పాయి. ఎంఎస్ ధోని (MS Dhoni) ఈ వ్యాఖ్యలు చేసిన వీడియో సోషల్ మీడియాలో విపరీతంగా షేర్ అవుతోంది.ఎంఎస్ ధోని వ్యాఖ్యలపై సోషల్ మీడియాలో అభిమానులు పెద్ద ఎత్తున స్పందిస్తున్నారు. వారి కామెంట్లు ఈ ఇద్దరు ఆటగాళ్ల పట్ల ఉన్న గౌరవాన్ని, ప్రేమను తెలియజేస్తున్నాయి.
పరస్పర గౌరవమే
ధోని వ్యాఖ్యలపై అభిమానులు కామెంట్ల వర్షం కురిపిస్తున్నారు. “వారిద్దరూ ఒకరినొకరు ఎంతగానో ప్రశంసించుకుంటారు” అని నెటిజన్ పేర్కొన్నారు. మరో యూజర్, “ఇద్దరు దిగ్గజాల మధ్య ఉన్న విడదీయరాని బంధం ఇది. ధోని, కోహ్లీల మధ్య ఉన్న పరస్పర గౌరవమే భారత క్రికెట్ను ఇంత ప్రత్యేకంగా మార్చింది” అని అభిప్రాయపడ్డారు.”ధోని, విరాట్ల మధ్య బంధం మొదటి నుంచీ కనిపిస్తోంది, కానీ ధోని, యువరాజ్ల విషయంలో అలా చెప్పలేం” అని మరో వినియోగదారుడు పోల్చారు. ఎంఎస్ ధోని చేసిన ఈ సరదా వ్యాఖ్యలు, వారి మధ్య కేవలం ఒక సహచరుడిగా కాకుండా ఒక మంచి స్నేహితుడిగా ఉన్న బంధాన్ని సూచిస్తున్నాయి.
విరాట్ కోహ్లీ ఎప్పుడూ, ఎక్కడ జన్మించారు?
విరాట్ కోహ్లీ 1988 నవంబర్ 5న ఢిల్లీలో జన్మించారు.
విరాట్ కోహ్లీ క్రికెట్ కెరీర్ ఎలా ప్రారంభమైంది?
2008లో శ్రీలంకతో జరిగిన వన్డే మ్యాచ్లో విరాట్ కోహ్లీ అంతర్జాతీయ క్రికెట్కు అడుగుపెట్టాడు. అదే సంవత్సరం అతను అండర్-19 వరల్డ్ కప్ గెలిపించిన జట్టు కెప్టెన్గా నిలిచాడు.
Read hindi news: hindi.vaartha.com
Read also:
