Virat Kohli Chartered Flight Rumors: ఐపీఎల్ 2026 సీజన్ ప్రారంభానికి ముందు రాయల్ ఛాలెంజర్స్ బెంగళూరు (RCB) స్టార్ బ్యాటర్ విరాట్ కోహ్లీ గురించి ఒక వింత ప్రచారం సోషల్ మీడియాలో వైరల్ అయ్యింది. ఐపీఎల్ మ్యాచ్ల మధ్య మూడు రోజుల గ్యాప్ దొరికితే లండన్ వెళ్లి రావడానికి కోహ్లీ ప్రత్యేకంగా ‘చార్టర్డ్ ఫ్లైట్’ ఏర్పాటు చేయాలని ఆర్సీబీ మేనేజ్మెంట్ను డిమాండ్ చేశాడనేది ఆ వార్త సారాంశం. ఈ వార్త నెటిజన్ల మధ్య పెద్ద చర్చకు దారితీసింది.
Read Also: Dasun Shanaka-IPL 2026: శామ్ కరన్ అవుట్.. రాజస్థాన్ రాయల్స్లోకి శనక ఎంట్రీ!
ఎమోజీలతో కోహ్లీ స్పందన
ఈ విడ్డూరమైన వార్తలపై విరాట్ కోహ్లీ తన ఇన్స్టాగ్రామ్ వేదికగా స్పందిస్తూ గట్టి కౌంటర్ ఇచ్చారు. సదరు వార్తకు సంబంధించిన స్క్రీన్ షాట్ను షేర్ చేస్తూ, దానికి నవ్వుతూ కన్నీళ్లు వస్తున్న ఎమోజీలను (Laughing with tears emojis) జత చేశారు. “ఇలాంటి వార్తలు ఎలా క్రియేట్ చేస్తార్రా బాబు?” అన్నట్లుగా ఆయన ఎక్స్ప్రెషన్ ఇచ్చారు. దీని ద్వారా ఆ వార్తల్లో ఏమాత్రం వాస్తవం లేదని కోహ్లీ స్పష్టంగా తేల్చి చెప్పారు.
ఐపీఎల్ 2026పై కోహ్లీ ఫోకస్
ప్రస్తుతం కోహ్లీ పూర్తి స్థాయిలో ఐపీఎల్ 2026 సీజన్ కోసం సిద్ధమవుతున్నారు. ఫేక్ వార్తలను నమ్మవద్దని ఆయన తన పోస్ట్ ద్వారా అభిమానులకు పరోక్షంగా సూచించారు. ఆర్సీబీకి తొలి ఐపీఎల్ టైటిల్ అందించడమే లక్ష్యంగా కోహ్లీ ప్రాక్టీస్ మొదలుపెట్టారు. ఈ సీజన్లో కోహ్లీ ఆటతీరు ఎలా ఉండబోతుందోనని అభిమానులు ఆసక్తిగా ఎదురుచూస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
