ఐపీఎల్ 2026 సీజన్ వేలానికి ముందు ముంబై ఇండియన్స్ వదిలేసిన యువ స్పిన్నర్ విఘ్నేశ్ పుతుర్ (Vignesh Puthur) చరిత్ర సృష్టించాడు. క్రికెట్ చరిత్రలోనే కని విని ఎరుగని రికార్డ్ అందుకున్నాడు. లిస్ట్-ఏ క్రికెట్లో ఒకే మ్యాచ్లో అత్యధిక క్యాచ్లు అందుకున్న ఆటగాడిగా నిలిచాడు. ప్రతిష్టాత్మక దేశవాళీ వన్డే టోర్నీ విజయ్ హజారే ట్రోఫీలో విజ్ఙేష్ పుతుర్ ఈ ఫీట్ సాధించాడు.
Read Also: RCB: యశ్ దయాల్ ప్లేస్ లో ఉమేశ్ యాదవ్?
జాంటీ రోడ్స్ రికార్డు బ్రేక్
ఈ మ్యాచ్లో విఘ్నేశ్ (Vignesh Puthur).. త్రిపుర బ్యాటర్లు ఉదియన్ బోస్, శ్రీదామ్ పాల్, స్వప్నిల్ సింగ్, సౌరభ్ దాస్, అభిజిత్ సర్కార్, విక్కీ సాహాలను క్యాచ్ ఔట్ చేశాడు. దీంతో ఒకే మ్యాచ్లో అత్యధిక క్యాచ్ల రికార్డును తన పేరిట లిఖించుకున్నాడు. ఇంతకుముందు ఈ రికార్డు ఫీల్డింగ్ దిగ్గజం జాంటీ రోడ్స్తో పాటు బ్రాడ్ యంగ్, పీటర్ హ్యాండ్స్కాంబ్, హ్యారీ బ్రూక్ వంటి ఆటగాళ్ల పేరిట ఉండేది. వారంతా ఒకే మ్యాచ్లో ఐదు క్యాచ్లు అందుకున్నారు. ఇప్పుడు ఆ రికార్డును విఘ్నేశ్ బద్దలుకొట్టాడు.
ఇక, ఇటీవల జరిగిన ఐపీఎల్ 2026 వేలంలో విఘ్నేశ్ను రాజస్థాన్ రాయల్స్ ఫ్రాంచైజీ కొనుగోలు చేసింది. గత సీజన్లో (2025) ముంబై ఇండియన్స్ తరఫున 5 మ్యాచ్లు ఆడి 6 వికెట్లు తీసిన అతను, గాయం కారణంగా టోర్నీ నుంచి వైదొలిగాడు. ఆ తర్వాత ముంబై అతన్ని విడుదల చేయగా, వేలంలో రాజస్థాన్ జట్టులోకి వచ్చాడు. కొత్త ఫ్రాంచైజీకి ఎంపికైన కొన్ని రోజులకే ఇలా ప్రపంచ రికార్డు నెలకొల్పడం విశేషం.
Read hindi news: hindi.vaartha.com
Epaper : epaper.vaartha.com
Read Also: