క్రికెట్ ప్రపంచంలోకి మరో విభిన్న ఫార్మాట్ అడుగుపెట్టింది. ఇప్పటికే ఉన్న టెస్ట్, వన్డే, టీ20 ఫార్మాట్ల సరసన ఇకపై ‘టెస్ట్ ట్వంటీ’(Test Twenty20) చేరనుంది. టెస్ట్ మ్యాచ్లలోని వ్యూహాత్మక విధానం, టీ20 మ్యాచ్లలోని వేగాన్ని మేళవించి ఈ కొత్త ఫార్మాట్ను రూపొందించారు. యువతరాన్ని ఆకర్షించడమే లక్ష్యంగా ఈ ఛాంపియన్షిప్ను ప్రవేశపెడుతున్నారు. ముంబైలో జరిగిన ఒక కార్యక్రమంలో క్రికెట్ దిగ్గజాలు మాథ్యూ హేడెన్, హర్భజన్ సింగ్, ఏబీ డివిలియర్స్ మరియు వెస్టిండీస్ లెజెండ్ సర్ క్లైవ్ లాయిడ్ ఈ నూతన ఫార్మాట్ను అధికారికంగా ఆవిష్కరించారు.
Read Also: Kishkindapuri Movie: నేటి నుంచి ఓటీటీలో స్ట్రీమింగ్ కానున్న కిష్కిందపురి
ఏమిటీ టెస్ట్ ట్వంటీ ఫార్మాట్?
‘టెస్ట్ ట్వంటీ’ ఫార్మాట్ యొక్క ముఖ్య లక్షణాలు:
- ఓవర్ల సంఖ్య: ఒక మ్యాచ్లో మొత్తం 80 ఓవర్లు ఉంటాయి.
- ఇన్నింగ్స్ నిర్మాణం: టెస్టు మ్యాచ్ల మాదిరిగానే ప్రతీ జట్టు రెండు ఇన్నింగ్స్లు ఆడుతుంది.
- పరిమితి: ప్రతి ఇన్నింగ్స్ కేవలం 20 ఓవర్లకే పరిమితమవుతుంది.
- స్కోరింగ్: మొదటి ఇన్నింగ్స్లో చేసిన స్కోరు రెండో ఇన్నింగ్స్లో చేసిన స్కోరుకు కలుస్తుంది.
దీని ద్వారా ఆటగాళ్లు టెస్ట్ క్రికెట్ తరహాలో ఆలోచిస్తూ, టీ20’(Test Twenty20) వేగంతో ఆడాల్సి వస్తుంది. ఫలితంగా మ్యాచ్ ఫలితం త్వరగా తేలడంతో పాటు, టెస్ట్ క్రికెట్లోని అసలైన స్ఫూర్తి నిలిచి ఉంటుందని నిర్వాహకులు తెలిపారు.
భారత్లోనే తొలి రెండు సీజన్లు:
టెస్ట్ ట్వంటీ మొదటి ఎడిషన్ 2026 జనవరిలో ప్రారంభం కానుంది. ఈ ఛాంపియన్షిప్లోని తొలి రెండు సీజన్లకు భారతదేశమే ఆతిథ్యం ఇవ్వనుంది. ఆ తర్వాత దీనిని ‘టూరింగ్ లీగ్’గా మార్చి, క్రికెట్ ప్రాబల్యం తక్కువగా ఉన్న ఇతర దేశాలకు తీసుకెళ్లాలని నిర్వాహకులు యోచిస్తున్నారు.
నిర్వాహకుడు గౌరవ్ బహిర్వాని మాట్లాడుతూ, “భారతదేశం క్రికెట్కు(cricket) అతిపెద్ద మార్కెట్, అందుకే ఇక్కడ ప్రారంభిస్తున్నాం. యువ క్రీడాకారులకు ఇతర దేశాల్లో ఆడే అవకాశం కల్పించడమే మా లక్ష్యం.” అని పేర్కొన్నారు. ముఖ్యంగా 13 నుంచి 19 ఏళ్ల మధ్య వయసున్న యువత తమ గుర్తింపు కార్డు చూపించి ఉచితంగా స్టేడియంలోకి ప్రవేశించవచ్చని ఆయన వివరించారు.
వెస్టిండీస్ దిగ్గజం సర్ క్లైవ్ లాయిడ్ మాట్లాడుతూ, “ఈ కొత్త ఫార్మాట్ టెస్ట్ క్రికెట్కు పునరుజ్జీవం కల్పించడంలో సహాయపడుతుందని నేను నమ్ముతున్నాను. ఆటగాడి అసలైన సత్తా టెస్టుల్లోనే తెలుస్తుంది. అందుకే దీనికి నా పూర్తి మద్దతు ఉంటుంది” అని తెలిపారు.
Read hindi news: hindi.vaartha.com
Epaper: epaper.vaartha.com/
Read Also: