Cricket: క్రికెట్లో బ్యాటింగ్, బౌలింగ్ ఎంత ముఖ్యమో ఫీల్డింగ్ కూడా అంతే ప్రాధాన్యం కలిగినది. కొంతమంది ఫీల్డర్లు(Fielders) కేవలం తమ ఫీల్డింగ్ నైపుణ్యాలతోనే ప్రత్యర్థి జట్టుకు తలనొప్పి తెచ్చారు. వారిని ఎదుర్కోవడం అంటే ఏ బ్యాట్స్మెన్కైనా కష్టమైన సవాలే. అంతర్జాతీయ క్రికెట్లో అత్యధిక రనౌట్లు సాధించిన టాప్ ఫీల్డర్ల గురించి ఇప్పుడు తెలుసుకుందాం.
రికీ పాంటింగ్ (ఆస్ట్రేలియా)
ఆస్ట్రేలియా మాజీ కెప్టెన్ రికీ పాంటింగ్ ఫీల్డింగ్లో అద్భుత ప్రతిభ కనబర్చాడు. ఆయన అంతర్జాతీయ క్రికెట్లో 80 రనౌట్లు సాధించి రికార్డు సృష్టించాడు. బ్యాటింగ్లో కూడా అగ్రశ్రేణి ఆటగాడైన పాంటింగ్ 27,483 పరుగులు చేశాడు. ఇందులో 71 సెంచరీలు, 146 హాఫ్ సెంచరీలు ఉన్నాయి.
జాంటీ రోడ్స్ (దక్షిణాఫ్రికా)
ఫీల్డింగ్ అంటే గుర్తుకొచ్చే పేరు జాంటీ రోడ్స్. తన చురుకుదనం, వేగం వల్ల ప్రపంచవ్యాప్తంగా ఫీల్డింగ్లో నంబర్ వన్గా పేరు తెచ్చుకున్నాడు. అంతర్జాతీయ క్రికెట్లో ఆయన 68 రనౌట్లు సాధించాడు. బ్యాటింగ్లో 8,467 పరుగులు చేయగా, 5 సెంచరీలు, 50 హాఫ్ సెంచరీలు సాధించాడు.
సనత్ జయసూర్య (శ్రీలంక)
సనత్ జయసూర్య(Sanath Jayasuriya) పేలవమైన బౌలింగ్ను చిత్తు చేసే దూకుడు బ్యాట్స్మన్గా మాత్రమే కాకుండా, చురుకైన ఫీల్డర్గా కూడా ప్రసిద్ధి చెందాడు. ఆయన అంతర్జాతీయ క్రికెట్లో 63 రనౌట్లు సాధించాడు. తన కెరీర్లో 21,032 పరుగులు చేసి, 42 సెంచరీలు, 103 హాఫ్ సెంచరీలు సాధించాడు.
తిలకరత్నే దిల్షాన్ (శ్రీలంక)
అద్భుతమైన స్కూప్ షాట్తో ప్రసిద్ధి చెందిన దిల్షాన్, ఫీల్డింగ్లో కూడా ప్రత్యేక గుర్తింపు తెచ్చుకున్నాడు. అంతర్జాతీయ క్రికెట్లో ఆయన 57 రనౌట్లు చేశారు. బ్యాటింగ్లో 17,671 పరుగులు చేసి, 39 సెంచరీలు, 83 హాఫ్ సెంచరీలు సాధించాడు.
స్టీవ్ వా (ఆస్ట్రేలియా)
ఆస్ట్రేలియా మాజీ కెప్టెన్ స్టీవ్ వా కూడా రనౌట్లలో తన ముద్ర వేశాడు. ఆయన 48 రనౌట్లు సాధించాడు. అంతర్జాతీయ క్రికెట్లో 18,496 పరుగులు చేయగా, 35 సెంచరీలు, 95 హాఫ్ సెంచరీలు సాధించాడు.
యువరాజ్ సింగ్ (భారతదేశం)
టీమిండియా స్టార్ యువరాజ్ సింగ్ తన అద్భుత ఫీల్డింగ్తో అనేక మ్యాచ్లలో టీమ్కి విజయాన్ని అందించాడు. ఆయన అంతర్జాతీయ క్రికెట్లో 46 రనౌట్లు చేశారు. బ్యాటింగ్లో 11,778 పరుగులు చేసి, 17 సెంచరీలు, 71 హాఫ్ సెంచరీలు సాధించాడు.
హెర్షెల్ గిబ్స్ (దక్షిణాఫ్రికా)
దక్షిణాఫ్రికా మాజీ ఓపెనర్ హెర్షెల్ గిబ్స్ కూడా ఫీల్డింగ్లో అగ్రశ్రేణి ఆటగాడు. ఆయన 43 రనౌట్లు సాధించి ఈ జాబితాలో ఏడో స్థానంలో నిలిచాడు. అంతర్జాతీయ క్రికెట్లో 14,661 పరుగులు చేసి, 35 సెంచరీలు, 66 హాఫ్ సెంచరీలు సాధించాడు.
అంతర్జాతీయ క్రికెట్లో అత్యధిక రనౌట్లు చేసిన ఫీల్డర్ ఎవరు?
ఆస్ట్రేలియా మాజీ కెప్టెన్ రికీ పాంటింగ్ (80 రనౌట్లు).
జాంటీ రోడ్స్ ఎందుకు ప్రసిద్ధి చెందాడు?
ఫీల్డింగ్లో వేగం, చురుకుదనం, అద్భుత రనౌట్లతో ప్రపంచవ్యాప్తంగా గుర్తింపు పొందాడు.
Read hindi news: hindi.vaartha.com
Read also: