ముంబైలోని డీవై పాటిల్ స్టేడియంలో బుధవారం జరిగిన టీ20 ప్రపంచ కప్ వార్మప్ మ్యాచ్ (T20 World Cup warm-up) లో సౌతాఫ్రికాను 30 పరుగుల తేడాతో టీమిండియా ఓడించింది. మొదట బ్యాటింగ్ చేసిన భారత్ 20 ఓవర్లలో 6 వికెట్లకు 240 పరుగులు చేసింది. ఇషాన్ కిషన్ (53), తిలక్ వర్మ (45), హార్దిక్ పాండ్యా (30) రాణించారు. 241 పరుగుల లక్ష్యంతో బరిలోకి దిగిన సౌతాఫ్రికా 20 ఓవర్లలో 7 వికెట్లకు 210 పరుగులు మాత్రమే చేసి ఓటమి పాలైంది. అర్షదీప్ సింగ్, శివమ్ దూబే, అక్షర్ పటేల్, అభిషేక్ శర్మ, వరుణ్ చక్రవర్తిలకు తలో వికెట్ దక్కింది.
Read Also: ICC T20 ranking list : ఐసీసీ ర్యాంకింగ్స్ షాక్, ఇషాన్ కిషన్ 32 స్థానాలు జంప్!
ఈ మ్యాచ్లో ముందుగా బ్యాటింగ్ చేసిన భారత్ నిర్ణీత 20 ఓవర్లలో 5 వికెట్లకు 240 పరుగుల భారీ స్కోర్ చేసింది. ఇషాన్ కిషన్(20 బంతుల్లో 2 ఫోర్లు, 7 సిక్స్లతో 53) హాఫ్ సెంచరీతో సత్తా చాటగా.. తిలక్ వర్మ(19 బంతుల్లో 3 ఫోర్లు, 3 సిక్స్లతో 45) తృటిలో హాఫ్ సెంచరీ చేజార్చుకున్నాడు. సూర్యకుమార్ యాదవ్(16 బంతుల్లో 2 ఫోర్లు, 2 సిక్స్లతో 30) తన జోరు కొనసాగించగా.. అక్షర్ పటేల్(23 బంతుల్లో 2 ఫోర్లు, 2 సిక్స్లతో 35 నాటౌట్) దూకుడుగా ఆడాడు.ధాటిగా ఆడే క్రమంలో రింకూ సింగ్(13బంతుల్లో ఫోర్, సిక్స్తో 16), ఔటవ్వగా.. హార్దిక్ పాండ్యా(10 బంతుల్లో 2 ఫోర్లు, 3 సిక్స్లతో 30) చెలరేగాడు.
ఎయిడెన్ మార్క్రమ్
అభిషేక్ శర్మ(18 బంతుల్లో 3 ఫోర్లు, సిక్స్తో 24) రిటైర్డ్ హర్ట్గా వెనుదిరిగాడు. సఫారీ బౌలర్లలో మార్కో జాన్సెన్, కార్బినో బోష్, అన్రిచ్ నోర్జ్, మఫకా తలో వికెట్ తీసారు. అనంతరం సౌతాఫ్రికా 20 ఓవర్లలో 7 వికెట్లకు 210 పరుగులు చేసి ఓటమిపాలైంది. ఎయిడెన్ మార్క్రమ్(19 బందుల్లో 2 ఫోర్లు, 4 సిక్స్లతో 38), ర్యాన్ రికెల్టన్(21 బంతుల్లో 4 ఫోర్లు, 3 సిక్స్లతో 44), జాసన్ స్మిత్(23 బంతుల్లో 4 ఫోర్లు, సిక్స్తో 35),
)
ట్రిస్టన్ స్టబ్స్(21 బంతుల్లో ఫోర్, 4 సిక్స్లతో 45 నాటౌట్), మార్కో జాన్సెన్(16 బంతుల్లో 3 ఫోర్లు, 2 సిక్స్లతో 31) రాణించారు.భారత బౌలర్లలో అభిషేక్ శర్మ(2/32) రెండు వికెట్లు తీయగా.. అర్ష్దీప్ సింగ్, శివమ్ దూబే, వరుణ్ చక్రవర్తీ, అక్షర్ పటేల్ తలో వికెట్ తీసారు. ఈ ప్రాక్టీస్ మ్యాచ్కు జస్ప్రీత్ బుమ్రా దూరంగా ఉన్నాడు. బౌలింగ్, బ్యాటింగ్, ఫీల్డింగ్ పరంగా టీమిండియా ప్రాక్టీస్ అదిరింది. భారత్ ధాటికి మరోసారి సౌతాఫ్రికా వణికింది.
Read hindi news: hindi.vaartha.com
Read Also Epaper : epaper.vaartha.com
Read Also:
