T20 World Cup: సిద్ధీవినాయకుడిని దర్శించుకున్న భారత క్రికెటర్లు

ఐసీసీ పురుషుల టీ20 ప్రపంచకప్ 2026 (T20 World Cup) టైటిల్‌ను నిలబెట్టుకునేందుకు సిద్ధమవుతున్న టీమిండియా, శుభారంభం కోసం దైవాన్ని ప్రార్థించింది. శనివారం నాడు అమెరికాతో తన తొలి మ్యాచ్ ఆడనుంది. ఈ నేపథ్యంలో జట్టు విజయాన్ని కాంక్షిస్తూ కుల్దీప్ యాదవ్, వరుణ్ చక్రవర్తి, మరికొందరు సహాయక సిబ్బందితో కలిసి ముంబైలోని ప్రఖ్యాత శ్రీ సిద్ధివినాయక గణపతి (Shri Siddhivinayak Ganapati) ఆలయాన్ని సందర్శించి ప్రత్యేక పూజలు చేశారు.

కీలకమైన మ్యాచ్‌లకు ముందు మానసిక ప్రశాంతత, ఏకాగ్రత కోసం వారు దైవాన్ని ఆశ్రయించారు. సూర్యకుమార్ యాదవ్ సారథ్యంలోని భారత జట్టు, ఈ ప్రార్థనలు తమకు సానుకూల ఫలితాలు ఇస్తాయని ఆశిస్తోంది. (T20 World Cup) టైటిల్ నిలబెట్టుకునే ప్రయాణంలో యూఎస్‌ఏపై విజయంతో శుభారంభం చేయాలని పట్టుదలగా ఉంది. ఈ ఆలయ సందర్శనంతో టీమిండియా ఆటగాళ్లలో కొత్త ఉత్సాహం నిండింది. ప్రస్తుతం ఇందుకు సంబంధించిన వీడియో వైరల్‌గా మారింది.