క్రికెట్ ప్రేమికులకు “డ్రింక్స్ బ్రేక్లో ఏం తాగుతారు?”, “లంచ్ బ్రేక్లో ఏం తింటారు?”, “టీ బ్రేక్లో వాస్తవంగా టీ తాగుతారా?” అనే ప్రశ్నలు తరచూ తలెత్తుతూ ఉంటాయి. ఈ ప్రశ్నలకు సమాధానాల కోసం క్రీడాభిమానులు ఎప్పుడూ ఆసక్తిగా ఎదురుచూస్తూ ఉంటారు. ఈ నేపథ్యంలో ఇప్పుడు ఇంగ్లండ్ స్టార్ క్రికెటర్ ఓలీ పోప్ (Ollie Pope) తన అనుభవాలను, అలవాట్లను వెల్లడించాడు.భారత్తో జరిగిన టెస్ట్ సిరీస్లో ఓలీ పోప్ అద్భుత సెంచరీ చేసి ఇంగ్లండ్ విజయంలో కీలక పాత్ర పోషించాడు. సుదీర్ఘమైన మ్యాచ్ల్లో ఆటగాళ్ల ఆరోగ్యం, శక్తి నిలుపుకోవడం చాలా అవసరం. అందుకే డ్రింక్స్ బ్రేక్, లంచ్ బ్రేక్, టీ బ్రేక్ సమయంలో ఏం తింటున్నారనేది ఇప్పుడు ఆసక్తికరంగా మారింది.27 ఏళ్ల ఓలీ పోప్ ఇంగ్లండ్ బెస్ట్ బ్యాటర్ల (England’s best batsmen) లో ఒకడు. ఓలీ పోప్ ఇటీవల స్కై స్పోర్ట్స్తో ఓలీ పోప్ మాట్లాడుతూ, మ్యాచ్ల సమయంలో లంచ్ బ్రేక్ లేదా టీ బ్రేక్లో ఏం తింటాడో వెల్లడించారు.
బ్యాటింగ్ చేస్తుంటే
ఓలీ పోప్ మాట్లాడుతూ “నేను సాధారణంగా చికెన్, చేపలు లేదా పాస్తా తినడానికి ఇష్టపడతాను. నాకు తగినంత శక్తి లభించేలా తింటాను. కానీ ఇది సమయం, పరిస్థితులను బట్టి మారుతూ ఉంటుంది. నేను బ్యాటింగ్ చేస్తుంటే చాలా తక్కువ తింటాను.అప్పుడు ఎక్కువ తినాలనిపించదు. అప్పుడు నేను ప్రొటీన్ షేక్, ఒక అరటిపండు (Banana) తింటాను. ఒకవేళ నేను రోజంతా బ్యాటింగ్ చేస్తుంటే, రోజు చివర్లో పెద్దగా ఏమీ తినను, ఎందుకంటే అప్పుడు తినాలనిపించదు. రోజు చివర్లో శక్తి కోసం ఏదైనా కొద్దిగా తినాలి అంతే.” అని ఓలీ పోప్ వెల్లడించాడు.టీ బ్రేక్ సమయంలో నిజంగా టీ తాగుతారా అనే ప్రశ్నకు ఓలీ పోప్ ఇలా సమాధానమిచ్చాడు. “కొంతమంది (టీ) తాగుతారు.
సమాధానం ద్వారా
నేను సాధారణంగా కాఫీ తీసుకుంటాను. కొన్నిసార్లు వర్షం కారణంగా ఆలస్యం అయినప్పుడు నేను ఒక టీ తాగుతాను.” అని ఓలీ పోప్ తెలిపాడు. ఓలీ పోప్ సమాధానం ద్వారా ఆటగాళ్లకు నిర్ణీత మెనూ అంటూ ఏమీ ఉండదని కూడా స్పష్టమైంది. ఆటగాళ్ళు తమకు నచ్చిన విధంగా, పరిస్థితులకు అనుగుణంగా ఏమి తినాలో లేదా తాగాలో నిర్ణయించుకుంటారు.అయితే ప్రతి బ్రేక్లో డీహైడ్రేషన్ (Dehydration) నుండి బయటపడటానికి ఏదైనా తీసుకోవాలని మాత్రమే నిర్ధారించుకుంటారు. అందుకే చాలా మంది ఆటగాళ్ళు బ్రేక్లో ఎనర్జీ డ్రింక్స్ తీసుకోవడానికి ఇష్టపడతారు.
ఓలీ పోప్ ఎవరు?
ఓలీ పోప్ ఒక ఇంగ్లండ్కు చెందిన ప్రముఖ క్రికెటర్. ఆయన రైట్ హ్యాండ్ మిడిల్ ఆర్డర్ బ్యాట్స్మన్గా వ్యవహరిస్తారు. 2018లో టెస్ట్ క్రికెట్లో ఇంగ్లండ్ తరఫున అరంగేట్రం చేశారు.
ఓలీ పోప్ ఏ జట్టుకు ప్రాతినిధ్యం వహిస్తారు?
ఓలీ పోప్ ఇంగ్లండ్ జాతీయ క్రికెట్ జట్టుకు ప్రాతినిధ్యం వహిస్తారు. అంతేకాకుండా, కౌంటీ క్రికెట్లో సరీ జట్టుకూ ఆడతారు.
Read hindi news: hindi.vaartha.com
Read Also: Shikhar Dhawan: పాకిస్థాన్ జట్టుతో ఎలాంటి మ్యాచ్లు ఆడను
