Shubman Gill dance: టీమిండియా యువ క్రికెటర్, శుభ్మన్ గిల్, క్రికెట్ లెజెండ్ సచిన్ టెండూల్కర్ కుమారుడు అర్జున్ టెండూల్కర్ ప్రీ-వెడ్డింగ్ వేడుకల్లో సరదాగా డాన్స్ చేస్తూ కనిపించాడు. దీనికి సంబంధించిన వీడియో ప్రస్తుతం సోషల్ మీడియాలో వైరల్గా మారింది. క్రికెట్ అభిమానులతో పాటు సినీ, రాజకీయ వర్గాల్లోనూ ఈ వీడియోపై విస్తృతంగా చర్చ జరుగుతోంది. సాధారణంగా మైదానంలో ప్రశాంతంగా కనిపించే శుభ్మన్ గిల్, ఈసారి డాన్స్ ఫ్లోర్పై తన ఎనర్జీ చూపించడంతో నెటిజన్లు ఫిదా అవుతున్నారు.
Read Also: AP Politics: నా దుడ్లతో నేను మ్యాచ్ చూస్తిని: మంత్రి లోకేశ్
అర్జున్ టెండూల్కర్ తన లాంగ్టైమ్ పార్ట్నర్, బిజినెస్ టైకూన్ రవి ఘై మనవరాలు సానియా చండోక్ను 2026 మార్చి 5న ముంబైలో వివాహం చేసుకోనున్నాడు. ఈ వివాహ వేడుకకు ప్రధాని నరేంద్ర మోదీ, రాష్ట్రపతి ద్రౌపది ముర్ము, హోం మంత్రి అమిత్ షాలతో పాటు విరాట్ కోహ్లీ, ఎంఎస్ ధోనీ, యువరాజ్ సింగ్ వంటి దిగ్గజాలు హాజరయ్యే అవకాశముంది.
అర్జున్ టెండూల్కర్ పెళ్లికి కోహ్లీ కూడా హాజరు..?
అర్జున్, సానియా వివాహ వేడుకకు హై-ప్రొఫైల్ అతిథుల జాబితా ఉండనుందని సమాచారం. సచిన్ టెండూల్కర్ స్వయంగా ప్రధాని నరేంద్ర మోదీ, రాష్ట్రపతి ద్రౌపది ముర్ము, హోం మంత్రి అమిత్ షాలను ఆహ్వానించారని వార్తలు వినిపిస్తున్నాయి.క్రీడా రంగం నుంచి విరాట్ కోహ్లీ, ఎంఎస్ ధోనీ, యువరాజ్ సింగ్ వంటి దిగ్గజాలు హాజరయ్యే అవకాశముంది. సోషల్ మీడియాలో అభిమానులు ఇప్పుడు గిల్, విరాట్ కోహ్లీ ఇద్దరూ కలిసి డాన్స్ ఫ్లోర్పై కనిపిస్తారా? అని ఆసక్తిగా ఎదురుచూస్తున్నారు.
Read hindi news: hindi.vaartha.com
Read Also Epaper : epaper.vaartha.com
Read Also:
