భారత క్రికెట్ జట్టు మాజీ ఓపెనర్, ‘గబ్బర్’గా అభిమానులు పిలుచుకునే శిఖర్ ధవన్ తన జీవితంలో కొత్త అధ్యాయాన్ని ప్రారంభించారు. గత కొంతకాలంగా తన వ్యక్తిగత జీవితంలోని ఒడిదుడుకులతో వార్తల్లో నిలిచిన ధవన్, శనివారం నాడు ఐర్లాండ్కు చెందిన తన ప్రేయసి సోఫీ షైన్ను వివాహం చేసుకున్నారు. ఢిల్లీలో అత్యంత సన్నిహితులు, కుటుంబ సభ్యుల సమక్షంలో వేద మంత్రాల సాక్షిగా వీరి వివాహం ఘనంగా జరిగింది. మొదటి భార్య అయేషా ముఖర్జీతో విడిపోయిన తర్వాత ధవన్ ఒంటరిగా ఉంటున్న సంగతి తెలిసిందే. ఇప్పుడు సోఫీ షైన్తో ఏడడుగులు వేయడంతో ఆయన మళ్లీ వైవాహిక బంధంలోకి అడుగుపెట్టారు. ఈ వేడుకకు సంబంధించిన ఫోటోలు ప్రస్తుతం సోషల్ మీడియాలో విపరీతంగా వైరల్ అవుతున్నాయి.
CM Revanth : అలాంటి వారిని పార్టీ నుంచి పంపిస్తే పార్టీకే నష్టం – రేవంత్
ఈ వివాహ వేడుకకు క్రికెట్ రంగానికి చెందిన పలువురు ప్రముఖులతో పాటు ధవన్ స్నేహితులు హాజరై నూతన వధూవరులను ఆశీర్వదించారు. ఐర్లాండ్కు చెందిన సోఫీతో ధవన్ గత కొంతకాలంగా ప్రేమలో ఉన్నారని, ఇరు కుటుంబాల అంగీకారంతోనే ఈ వివాహం నిశ్చయమైందని సమాచారం. మైదానంలో ఎప్పుడూ చిరునవ్వుతో ఉత్సాహంగా కనిపించే ధవన్, తన వ్యక్తిగత బాధలను అధిగమించి మళ్లీ సంతోషంగా కనిపించడం చూసి అభిమానులు సోషల్ మీడియా వేదికగా శుభాకాంక్షలు తెలుపుతున్నారు. టీమ్ ఇండియా సహచర ఆటగాళ్లు కూడా “హ్యాపీ మ్యారీడ్ లైఫ్ గబ్బర్” అంటూ పోస్ట్లు పెడుతున్నారు. తన సెకండ్ ఇన్నింగ్స్లో ధవన్ మరిన్ని విజయాలు అందుకోవాలని నెటిజన్లు కోరుకుంటున్నారు.
Read Also hindi news: hindi.vaartha.com
Read Also Epaper : epaper.vaartha.com
