భారత క్రికెటర్ సర్ఫరాజ్ ఖాన్ (Sarfaraz Khan) కోసం ఈసారి సెలెక్షన్ తలుపులు తెరవలేదు. ఇంగ్లాండ్ పర్యటన కోసం ఎంపిక చేసిన ఐదు టెస్టుల జట్టులోకి అతడికి అవకాశం దక్కలేదు. అయితే దీనిని నిరాశగా తీసుకోకుండా, అతడు తిరిగి జట్టులోకి రావాలన్న లక్ష్యంతో కృషి మొదలుపెట్టాడు.ఒకటి రెండు కిలోలు కాదు… సర్ఫరాజ్ తన బరువులో ఏకంగా 17 కిలోల తగ్గింపు (Sarfaraz has lost 17 kg in weight) సాధించాడు. రెండు నెలల వ్యవధిలోనే ఇది సాధించడం నిజంగా ఆశ్చర్యమే. గతంలో అతడి బరువు 95 కిలోలు కాగా, ఇప్పుడు అది 78 కిలోల వరకు తగ్గినట్టు సమాచారం.
ఫిట్నెస్ మిషన్ కోసం కఠిన డైట్
బరువు తగ్గాలంటే కేవలం జిమ్ కాదు, డైట్ కూడా కీలకం. ఈ విషయాన్ని బాగా అర్థం చేసుకున్న సర్ఫరాజ్, ఆహార నియమాలను పూర్తిగా మార్చేశాడు. ఉడికిన కూరగాయలు, ప్రోటీన్గా చికెన్ మాత్రమే తీసుకుంటున్నాడట. ఎలాంటి బిర్యానీ, ఫాస్ట్ఫుడ్లకు అతడు దూరంగా ఉంటున్నాడు.ఫిట్నెస్ సాధించిన తర్వాత సర్ఫరాజ్ ఖాన్ తన జిమ్లో దిగిన ఫోటోను ఇన్స్టాగ్రామ్లో షేర్ చేశాడు. “ఇంత సన్నబడ్డాడా?” అని నెటిజన్లు ఆశ్చర్యంతో కామెంట్లు చేస్తున్నారు. ఆయనకు ఎంతో మంది క్రికెట్ ప్రేమికులు మద్దతు తెలుపుతున్నారు.
కోల్కతా లీగ్లో కూడా ఆకట్టుకున్న ప్రదర్శన
ఇటీవల జరిగిన దేశవాళీ టోర్నీలో సర్ఫరాజ్ తన ఆటతీరు ద్వారా మరోసారి నిరూపించుకున్నాడు. ఫిట్నెస్తో పాటు ఆటలో కూడా మెరుగుపడుతున్నాడన్న సంకేతాలు అందిస్తోంది.తాను ఫిట్గా ఉన్నానని, జట్టులోకి తిరిగి రావాలని సర్ఫరాజ్ పరోక్షంగా సెలక్టర్లకు సందేశం పంపిస్తున్నాడు. ఈ పట్టుదలతో అతడు మళ్లీ భారత జట్టులో కనిపించడమే కాదు, నిలకడగా ఆట చూపే అవకాశాలు ఎక్కువ.
Read Also : Stock Market : లాభాల్లో ముగిసిన స్టాక్ మార్కెట్లు