ఐపీఎల్ 2026 సీజన్కు ముందు రాజస్థాన్ రాయల్స్ జట్టులో మార్పులు జరుగుతాయన్న వార్తలు క్రికెట్ అభిమానుల్లో ఆసక్తిని రేకెత్తిస్తున్నాయి. ముఖ్యంగా, ఆ జట్టు కెప్టెన్గా ఉన్న సంజూ శాంసన్ను ఫ్రాంచైజీ రిలీజ్ చేయబోతోందన్న ప్రచారం గట్టిగా వినిపిస్తోంది. ఈ వార్తల మధ్య సంజూ శాంసన్ (Sanju Samson) తన హృదయాన్ని విప్పి మాట్లాడాడు.సంజూ శాంసన్, 2013లో రాజస్థాన్ రాయల్స్ జట్టులోకి అడుగుపెట్టినప్పటి నుండి, ఆ ఫ్రాంచైజీతో తనకున్న అనుబంధం మరింత బలపడింది. 2021 సీజన్ నుండి కెప్టెన్ బాధ్యతలు చేపట్టిన ఆయన, తన ప్రశాంత నాయకత్వం, నిబద్ధతతో జట్టును ముందుకు నడిపించాడు. ముఖ్యంగా యువ ఆటగాళ్లకు మార్గదర్శకుడిగా, స్ఫూర్తిదాయక నాయకుడిగా ఆయన పాత్ర ప్రశంసించబడింది.ఇటీవల వెలువడిన వార్తల ప్రకారం, 2026 ఐపీఎల్ మెగా వేలం (Mega Auction) ముందు సంజూ శాంసన్ను రాజస్థాన్ రాయల్స్ జట్టు రిలీజ్ చేస్తుందన్న ఊహాగానాలు సోషల్ మీడియాలో చక్కర్లు కొడుతున్నాయి.
సంజూ స్థానంలో ఇద్దరి ఆటగాళ్లను
ఈ నేపథ్యంలో సంజూ శాంసన్ తన సోషల్ మీడియా వేదిక ద్వారా స్పందిస్తూ, రాజస్థాన్ రాయల్స్ తన జీవితంలో ఎంత ప్రాముఖ్యత కలిగి ఉందో వివరించాడు.చెన్నై సూపర్ కింగ్స్ నుంచి ఆఫర్ రావడంతో సంజూ శాంసన్ ఆ జట్టులో చేరేందుకు ఆసక్తిగా ఉన్నాడని గత కొద్ది రోజులుగా ప్రచారం జరుగుతోంది. ఇప్పటికే సంజూ ట్రేడింగ్ డీల్పై ఇరు జట్లు చర్చలు జరుపుతున్నాయని, సంజూ స్థానంలో ఇద్దరి ఆటగాళ్లను ఇవ్వాలని రాజస్థాన్ రాయల్స్ డిమాండ్ చేస్తుందని కూడా వార్తలు వస్తున్నాయి. ఈ క్రమంలో టీమిండియా మాజీ స్పిన్నర్ రవిచంద్రన్ అశ్విన్ యూట్యూబ్ ఛానెల్కు ఇచ్చిన ఇంటర్వ్యూలో రాజస్థాన్ రాయల్స్ (Rajasthan Royals) గురించి సంజూ శాంసన్ ఆసక్తికర వ్యాఖ్యలు చేశాడు. క్రికెటర్గా తనను ప్రపంచానికి పరిచయం చేసిందే రాజస్థాన్ రాయల్స్ అని పేర్కొన్నాడు.
ఈ ప్రపంచానికి నువ్వేంటో చాటి చెప్పు
రాజస్థాన్ రాయల్స్ నా ప్రపంచం. కేరళలోని ఒక చిన్న గ్రామం నుంచి వచ్చిన కుర్రాడు తన ప్రతిభ చాటాలనుకున్నాడు. ఆ సమయంలో రాహుల్ ద్రవిడ్ సర్, రాజస్థాన్ రాయల్స్ ఓనర్ మనోజ్ బాదాలే ఆ కుర్రాడికి వేదికను ఇచ్చి ఈ ప్రపంచానికి నువ్వేంటో చాటి చెప్పు అన్నారు. నాకు ఎప్పుడూ రాజస్థాన్ రాయల్స్ అండగా నిలిచింది.ఆ జట్టుతో నా ప్రయాణం ఎప్పుడూ గొప్పగా సాగింది. ఆ ఫ్రాంచైజీకి ఎప్పటికీ రుణపడి ఉంటాను’అని సంజూ శాంసన్ తెలిపాడు. అయితే రాజస్థాన్ రాయల్స్ను వీడుతున్నట్లు వస్తున్న వార్తలపై, ఆ జట్టులో కొనసాగే విషయంపై సంజూ శాంసన్ ఎలాంటి వ్యాఖ్యలు చేయలేదు. రాజస్థాన్ రాయల్స్ జట్టే.. సంజూ శాంసన్ను వదులుకుంటుందా? అనే చర్చ మొదలైంది.
సంజూ శాంసన్ జన్మతేది ఎప్పుడు?
సంజూ శాంసన్ 1994 నవంబర్ 11న జన్మించాడు.
సంజూ శాంసన్ ఏ రాష్ట్రానికి చెందినవాడు?
ఆయన కేరళ రాష్ట్రానికి చెందినవాడు.
Read hindi news: hindi.vaartha.com
Read also:
