Anaya Bangar: భారత మాజీ క్రికెటర్, మాజీ కోచ్ సంజయ్ బంగర్ కుమార్తె అనయా బంగర్ తన జీవితంలో ఒక కీలకమైన ముందడుగు వేశారు. ఆమె ఇటీవలే థాయ్లాండ్లో జెండర్ అఫర్మింగ్ సర్జరీని (Gender Affirming Surgery) విజయవంతంగా పూర్తి చేసుకున్నారు. క్రికెటర్గా, ట్రాన్స్ హక్కుల కార్యకర్తగా గుర్తింపు పొందిన అనయా, తన వ్యక్తిత్వాన్ని చాటుకునే క్రమంలో ఎదురైన ఈ భావోద్వేగ ప్రయాణాన్ని సోషల్ మీడియా వేదికగా పంచుకున్నారు.
Read Also: IPL 2026: కేకేఆర్కు మరో షాక్.. సీజన్ మొత్తానికి ఆకాశ్ దీప్ దూరం?
Anaya Bangar: తండ్రి సంజయ్ బంగర్ మద్దతుపై భావోద్వేగం
‘ఈ ప్రయాణం నాకే కాదు నా కుటుంబానికి అంత తేలికగా జరుగలేదు. అర్ధ చేసుకోవడం, అంగీకరించడం.. నాకు మద్దతుగా నిలిచేందుకు సమయం పట్టింది. ఇదంతా వెంటనే జరిగిపోలేదు. కొన్ని సందర్భాల్లో అయోమయానికి లోనయ్యాం. ఎన్నో ప్రశ్నలు చుట్టుముట్టాయి. ఎట్టకేలకు ఈ రోజు నేను ఇక్కడ ఉన్నాను. ఎంతో కృతజ్ఞతతో నా మనసు నిండిపోయింది. నా జీవితంలోని ముఖ్యమైన ఈ దశలో నాన్న నా వెన్నంటే ఉన్నారు. ఆయన మద్దతు కాస్త ఆలస్యమైనా.. పూర్తిగా నాపై ప్రేమ చూపారు. ఈ సర్జరీ నా జీవితంలో పెద్ద అడుగు. నాన్న నా పక్కన ఉండడం వల్లనే ఇది సాధ్యమైంది. ప్రేమ, ఎదుగుదల.. ఈ రెండూ సమయం తీసుకుంటాయి. ఒక్కసారి ఇవి మన జీవితంలోకి వచ్చాయంటే అన్నిటికంటే విలువైనవిగా మిగిలిపోతాయి. అందుకని నాన్నకు ఎల్లప్పుడూ కృతజ్ఞతగా ఉంటాను’ అని అనయా బంగర్ తన భావోద్వేగాలను పంచుకుంది.
Read hindi news: hindi.vaartha.com
Epaper: epaper.vaartha.com
Read Also:
