యువ క్రికెటర్ పృథ్వీ షా (Prithvi Shaw) మరోసారి వివాదంలో చిక్కుకున్నాడు. ముంబైలోని దిండోషి కోర్టు ఆయనపై రూ.100 జరిమానా విధించడం జరిగింది. సోషల్ మీడియా ఇన్ఫ్లుయెన్సర్ సప్నా గిల్ దాఖలు చేసిన పిటిషన్కు సంబంధించిన నోటీసులకు ఆయన స్పందించకపోవడం వల్ల ఈ చర్య తీసుకున్నారు. న్యాయస్థానం ఇప్పటికే పలుమార్లు పృథ్వీ షాకు సమాధానం ఇచ్చే అవకాశం కల్పించినప్పటికీ,
ఆయన నుంచి ఎలాంటి ప్రతిస్పందన రాకపోవడంతో కోర్టు ఈ నిర్ణయం తీసుకుంది.ఈ వివాదం ఫిబ్రవరి 2023లో ముంబై (Mumbai) లోని అంధేరిలో ఉన్న ఒక పబ్ బయట మొదలైంది. ఒక సెల్ఫీ తీసుకోవడం విషయంలో పృథ్వీ షా, సప్నా గిల్ మధ్య వాగ్వాదం జరిగింది. ఈ ఘటన తర్వాత సప్నా గిల్, పృథ్వీ షా తనను వేధించారని ఫిర్యాదు చేసింది. మొదట పోలీసులు సప్నా గిల్ను ఈ దాడి కేసులో అరెస్ట్ చేశారు. అయితే గిల్ ఫిర్యాదును పోలీసులు నమోదు చేయకపోవడంతో ఆమె నేరుగా మెట్రోపాలిటన్ మేజిస్ట్రేట్ కోర్టు (Metropolitan Magistrate’s Court) ను ఆశ్రయించింది.
ఇతరులపై వేధింపుల ఫిర్యాదు చేసింది
బెయిల్ పొందిన తర్వాత సప్నా గిల్ తన లాయర్ ద్వారా పృథ్వీ షా, అతని స్నేహితుడు ఆశిష్ యాదవ్, ఇతరులపై వేధింపుల ఫిర్యాదు చేసింది. ఆమె తన పిటిషన్లో భారత శిక్షా స్మృతి (ఐపీసీ)లోని కీలక సెక్షన్ల కింద ఎఫ్ఐఆర్ (FIR) నమోదు చేయాలని కోరింది. భారత శిక్షా స్మృతి (ఐపీసీ)లోని సెక్షన్లు 354 (వేధింపులు), 509 (మహిళల గౌరవానికి భంగం కలిగించే ఉద్దేశంతో మాట్లాడటం లేదా సంజ్ఞలు చేయడం),
324 (ప్రమాదకరమైన ఆయుధాలు లేదా సాధనాలతో ఉద్దేశపూర్వకంగా గాయపరచడం) కింద ఎఫ్ఐఆర్ నమోదు చేయాలని కోరింది. పృథ్వీ షా, అతని స్నేహితుడు బ్యాట్తో దాడి చేశారని ఆమె ఆరోపించింది. ఈ సంఘటనకు సంబంధించిన ఒక వీడియో కూడా వైరల్ అయింది. ఈ కేసులో విచారణ కొనసాగుతుండగానే.. కోర్టు నోటీసులకు స్పందించిన పృథ్వీ షాపై ఈ జరిమానా విధించడం జరిగింది. న్యాయస్థానం దృష్టిలో ఈ జరిమానా చిన్నదే అయినా.. అది కోర్టు ఆదేశాలను ధిక్కరించినందుకు ఓ హెచ్చరికగా భావించవచ్చు.
పృథ్వీ షా ఎప్పుడు, ఎక్కడ జన్మించారు?
పృథ్వీ షా 1999 నవంబర్ 9న మహారాష్ట్రలోని థానే జిల్లాలో జన్మించారు.
ఆయన టీమిండియాలో ఎప్పుడు అరంగేట్రం చేశారు?
పృథ్వీ షా 2018లో వెస్టిండీస్పై జరిగిన టెస్టు మ్యాచ్లో భారత్ తరఫున ఆడుతూ అంతర్జాతీయ క్రికెట్లో అరంగేట్రం చేశారు. ఆ మ్యాచ్లోనే సెంచరీ చేసి రికార్డు సృష్టించారు.
Read hindi news:hindi.vaartha.com
Read Also:
