ప్రో కబడ్డీ లీగ్ (పీకేఎల్) సీజన్ 12 (PKL Season 12) లో దబాంగ్ ఢిల్లీ కే.సి. అద్భుత ప్రదర్శనతో మరోసారి చరిత్ర సృష్టించింది. శుక్రవారం ఢిల్లీలోని త్యాగరాజ్ ఇండోర్ స్టేడియంలో జరిగిన ఉత్కంఠభరిత ఫైనల్ మ్యాచ్లో పుణెరి పల్టాన్పై 31-28 తేడాతో గెలిచి తమ రెండో పీకేఎల్ టైటిల్ను కైవసం చేసుకుంది.అభిమానుల సమక్షంలో విజయం సాధించడం ఈ జట్టుకు డబుల్ ఆనందాన్ని ఇచ్చింది.
Read Also: Asia Cup: ఆసియా కప్ ట్రోఫీపై బీసీసీఐ ఆగ్రహం!
గతంలో సీజన్ 8లో ఛాంపియన్గా నిలిచినప్పుడు కెప్టెన్గా ఉన్న జోగిందర్ నర్వాల్, ఇప్పుడు కోచ్గా జట్టుకు టైటిల్ అందించడం విశేషం.ఈ విజయంతో దబాంగ్ ఢిల్లీ ఓ అరుదైన ఘనతను సొంతం చేసుకుంది. సీజన్ 2లో యు ముంబా తర్వాత, సొంతగడ్డపై ఆడుతూ ట్రోఫీ గెలిచిన తొలి జట్టుగా రికార్డు సృష్టించింది.
ఇదే మ్యాచ్లో ఢిల్లీ (Delhi) డిఫెండర్ ఫజల్ అత్రాచలి పీకేఎల్ చరిత్రలోనే అత్యంత విజయవంతమైన విదేశీ ఆటగాడిగా నిలిచాడు.ఫైనల్ మ్యాచ్ ఆరంభం నుంచే హోరాహోరీగా సాగింది. ఢిల్లీ రైడర్లు నీరజ్ నర్వాల్ (8 పాయింట్లు), అజింక్య పవార్ (6 పాయింట్లు) అద్భుత ప్రదర్శనతో జట్టు విజయంలో కీలక పాత్ర పోషించారు.
అత్రాచలి అద్భుతంగా టాకిల్ చేసి
మరోవైపు పుణెరి పల్టాన్ తరఫున ఆదిత్య షిండే సూపర్ 10తో చెలరేగగా, డిఫెండర్ అభినేష్ నాడరాజన్ నాలుగు టాకిల్ పాయింట్లు సాధించినా జట్టును గెలిపించలేకపోయారు.ఆట మొదటి నుంచి ఢిల్లీ ఆధిపత్యం ప్రదర్శించింది. నీరజ్ నర్వాల్ అద్భుత రైడ్లతో తొలి అర్ధభాగంలోనే పుణెరిని ఆలౌట్ చేసి ఢిల్లీకి స్పష్టమైన ఆధిక్యం అందించాడు.
దీంతో విరామ సమయానికి దబాంగ్ ఢిల్లీ 20-14 స్కోర్తో పటిష్ట స్థితిలో నిలిచింది. రెండో అర్ధభాగంలో పుణెరి పల్టాన్ పుంజుకునేందుకు తీవ్రంగా ప్రయత్నించింది. ఆదిత్య షిండే వరుస రైడ్ పాయింట్లతో మ్యాచ్ చివరి నిమిషాల్లో ఢిల్లీని ఆలౌట్ చేసి స్కోరును 28-25కి తగ్గించాడు.
దీంతో చివరి క్షణాలు తీవ్ర ఉత్కంఠభరితంగా మారాయి.మ్యాచ్ చివరి నిమిషంలో ప్రవేశిస్తుండగా ఇరు జట్ల మధ్య కేవలం ఒక్క పాయింట్ మాత్రమే తేడా ఉంది. ఈ కీలక సమయంలో పుణెరి రైడర్ ఆదిత్య షిండేను ఫజల్ అత్రాచలి అద్భుతంగా టాకిల్ చేసి పట్టుకున్నాడు. ఈ ఒక్క టాకిల్తో దబాంగ్ ఢిల్లీ విజయం ఖాయమైంది. దీంతో సొంత అభిమానుల ఆనందోత్సాహాల మధ్య దబాంగ్ ఢిల్లీ రెండోసారి ఛాంపియన్గా అవతరించింది.
Read hindi news: hindi.vaartha.com
Epaper: epaper.vaartha.com/
Read Also:
