News Telugu: భారత క్రికెట్ జట్టులో ఒక దశాబ్దానికి పైగా తన ప్రతిభతో వెలుగొందిన ఛటేశ్వర్ పుజారా (Cheteshwar Pujara) అంతర్జాతీయ క్రికెట్కు వీడ్కోలు పలికాడు. అన్ని ఫార్మాట్ల నుంచి రిటైర్మెంట్ తీసుకుంటున్నట్టు ఆయన సోషల్ మీడియా వేదికగా అధికారికంగా ప్రకటించాడు.
పుజారా భావోద్వేగ సందేశం
పుజారా తన వీడ్కోలు సందేశంలో, భారత జెర్సీ ధరించడం (Wearing the Indian jersey), జాతీయ గీతం ఆలపించడం, దేశం కోసం ప్రదర్శన ఇవ్వడం తన జీవితంలో గొప్ప గర్వకారణంగా నిలిచిందని పేర్కొన్నాడు. “ప్రతి ఆటగాడి కెరీర్లో ఒక దశలో వీడ్కోలు చెప్పాల్సిన సమయం వస్తుంది. ఇప్పుడు ఆ సమయం నా జీవితంలో వచ్చింది. అన్ని ఫార్మాట్ల క్రికెట్ నుంచి తప్పుకుంటున్నాను” అని భావోద్వేగంగా రాసుకొచ్చాడు.
క్రికెట్ ప్రయాణంపై స్పందన
రాజ్కోట్ నగరంలో సాధారణ కుటుంబం నుంచి వచ్చి భారత క్రికెట్ జట్టులో స్థానం సంపాదించుకోవడం తన కల నెరవేరిన క్షణమని పుజారా గుర్తుచేసుకున్నాడు. ఈ ప్రయాణంలో సహకరించిన బీసీసీఐ, సౌరాష్ట్ర క్రికెట్ అసోసియేషన్, సహచర ఆటగాళ్లు, కోచింగ్ స్టాఫ్, అంపైర్లు, మీడియా, అభిమానులందరికీ కృతజ్ఞతలు తెలిపాడు. ఇకపై కుటుంబానికి మరింత సమయం కేటాయించాలని నిర్ణయించుకున్నానని వెల్లడించాడు.
పుజారా రికార్డులు
2010లో అంతర్జాతీయ క్రికెట్లోకి అడుగుపెట్టిన పుజారా ప్రధానంగా టెస్ట్ ఫార్మాట్లోనే తన ముద్ర వేసుకున్నాడు.
- 103 టెస్టుల్లో 7,195 పరుగులు చేశాడు
- 3 డబుల్ సెంచరీలు, 19 సెంచరీలు, 35 హాఫ్ సెంచరీలు సాధించాడు
- వన్డేల్లో మాత్రం 5 మ్యాచ్లు మాత్రమే ఆడగా, 51 పరుగులు మాత్రమే చేశాడు
- 2023లో ఆస్ట్రేలియాతో ఆడిన టెస్టే ఆయన చివరి అంతర్జాతీయ మ్యాచ్గా నిలిచింది.
భారత క్రికెట్లో పుజారా స్థానం
“వాల్ ఆఫ్ ఇండియా” అని పిలిచే రాహుల్ ద్రావిడ్ తరువాత, టెస్ట్ క్రికెట్లో భారత జట్టు రక్షణాత్మక బలగంగా నిలిచిన ఆటగాడు పుజారా. సుదీర్ఘ ఇన్నింగ్స్లు ఆడగల సత్తా ఉన్న బ్యాట్స్మన్గా ఆయన ఎన్నో కష్టసమయాల్లో భారత్ను గెలుపు దిశగా నడిపించాడు. ఆస్ట్రేలియా, ఇంగ్లాండ్ వంటి బలమైన జట్లపై కీలక ఇన్నింగ్స్లు ఆడి భారత అభిమానుల హృదయాలలో ప్రత్యేక స్థానం సంపాదించాడు.
Read hindi news: hindi.vaartha.com
Read also:
