ఫుట్బాల్ ప్రేమికులకు సంబరాలే. ప్రపంచ ఫుట్బాల్ చరిత్రలో అత్యంత ప్రజాదరణ పొందిన జట్లలో ఒకటైన అర్జెంటీనా జట్టు నవంబర్లో భారతదేశంలోని కేరళలో ఆడబోతుంది. ఈ సమాచారం వెలువడగానే దేశవ్యాప్తంగా, ముఖ్యంగా దక్షిణ రాష్ట్రాల్లో ఫుట్బాల్ అభిమానులు ఉత్సాహంతో మునిగిపోయారు. ఫిఫా వరల్డ్కప్ (FIFA World Cup) విజేతలైన అర్జెంటీనా జట్టు భారత నేలపై ఆడబోతోందన్న వార్త అభిమానుల్లో హర్షం రేపింది.
Mitchell Marsh : ఆల్ రౌండర్ మిచెల్ మార్ష్ నాయకత్వం
ఈ నేపథ్యంలో కేరళ ప్రభుత్వం (Kerala Govt) ఏర్పాట్లను ముమ్మరం చేసింది. ముఖ్యమంత్రి పినరయి విజయన్ మంగళవారం ఉన్నతాధికారులతో ఉన్నత స్థాయి సమీక్షా సమావేశం నిర్వహించి, ఏర్పాట్లపై కీలక ఆదేశాలు జారీ చేశారు.కొచ్చి (Kochi) లోని జవహర్లాల్ నెహ్రూ అంతర్జాతీయ స్టేడియంలో ఈ మ్యాచ్ జరగనుండగా, మైదానాన్ని ప్రపంచ స్థాయి ప్రమాణాలకు అనుగుణంగా సిద్ధం చేయాలని సీఎం స్పష్టం చేశారు.
స్టేడియంలో అవసరమైన మరమ్మతులు, ఆధునీకరణ పనులను యుద్ధ ప్రాతిపదికన పూర్తి చేయాలని అధికారులను ఆదేశించారు. ఈ ప్రతిష్ఠాత్మక కార్యక్రమాన్ని విజయవంతం చేయడానికి అన్ని శాఖల మధ్య పూర్తి సమన్వయం అత్యంత కీలకమని ఆయన నొక్కిచెప్పారు.మ్యాచ్కు భారీ సంఖ్యలో అభిమానులు తరలివచ్చే అవకాశం ఉన్నందున, స్టేడియం లోపల, వెలుపల కట్టుదిట్టమైన భద్రతా చర్యలు చేపట్టాలని నిర్ణయించారు.
విద్యుత్ సరఫరా, వ్యర్థాల నిర్వహణ వంటి
అభిమానులు, క్రీడాకారులకు ఎలాంటి అసౌకర్యం కలగకుండా పార్కింగ్, తాగునీరు, వైద్య సదుపాయాలు, విద్యుత్ సరఫరా, వ్యర్థాల నిర్వహణ వంటి అంశాలపై సమగ్ర ఏర్పాట్లు చేయాలని సూచించారు.
అర్జెంటీనా జట్టు (Argentina team) తో అభిమానుల కోసం ఒక ప్రత్యేక ‘ఫ్యాన్ మీట్’ నిర్వహించే అవకాశాలను కూడా సమావేశంలో చర్చించారు.ఈ మ్యాచ్కు సంబంధించిన అన్ని పనులను పర్యవేక్షించేందుకు ఒక ఐఏఎస్ అధికారిని నోడల్ ఆఫీసర్గా నియమించనున్నారు.
రాష్ట్ర స్థాయిలో ప్రభుత్వ ప్రధాన కార్యదర్శి నేతృత్వంలో ఒక కమిటీ
రాష్ట్ర స్థాయిలో ప్రభుత్వ ప్రధాన కార్యదర్శి నేతృత్వంలో ఒక కమిటీ, జిల్లా స్థాయిలో కలెక్టర్ల ఆధ్వర్యంలో మరో కమిటీ ఏర్పాట్లను పర్యవేక్షిస్తాయి. అర్జెంటీనా వంటి ప్రపంచ స్థాయి జట్టుకు ఆతిథ్యం ఇవ్వడం కేరళ (Kerala) కు గర్వకారణమని,
ఇది రాష్ట్ర ఫుట్బాల్ క్రీడా స్ఫూర్తిని, అంతర్జాతీయ ఈవెంట్లను నిర్వహించగల సత్తాను ప్రపంచానికి చాటుతుందని ముఖ్యమంత్రి పినరయి విజయన్ (Chief Minister Pinarayi Vijayan) అన్నారు.ఈ సమావేశంలో మంత్రులు వి. అబ్దురహిమాన్, పి. రాజీవ్, ఎం.బి. రాజేష్, ప్రభుత్వ ప్రధాన కార్యదర్శి డాక్టర్ ఎ. జయతిలక్, రాష్ట్ర పోలీస్ చీఫ్ ఆర్. చంద్రశేఖర్ సహా పలువురు ఉన్నతాధికారులు పాల్గొన్నారు.
Read hindi news: hindi.vaartha.com
Epaper : https://epaper.vaartha.com/
Read Also:
