భారత క్రికెట్ జట్టులో “హిట్మ్యాన్”గా పేరు తెచ్చుకున్న రోహిత్ శర్మ తన క్రికెట్ ప్రయాణం ఎంత గొప్పదో అందరికీ తెలుసు. కానీ ఆయన వ్యక్తిగత విషయాలు బయటకు వచ్చినప్పుడు అభిమానులు మరింత ఆసక్తిగా గమనిస్తారు. తాజాగా ఓ ఇంటర్వ్యూలో రోహిత్ శర్మ తనకు ఇష్టమైన హీరోయిన్ పేరును వెల్లడించాడు. బాలీవుడ్ స్టార్ హీరోయిన్ కరీనా కపూర్ (heroine Kareena Kapoor) అంటే తనకు చాలా ఇష్టమని, ఆమె తన క్రష్ అని రోహిత్ చెప్పుకొచ్చాడు. ఈ మాటలు వినగానే క్రికెట్ అభిమానులు, బాలీవుడ్ ప్రేక్షకులు ఇద్దరూ సోషల్ మీడియాలో విస్తృతంగా చర్చించుకున్నారు.రోహిత్ శర్మ 2007లో అంతర్జాతీయ క్రికెట్లో అడుగుపెట్టాడు. మొదటి మ్యాచ్ నుంచే తన స్ట్రోక్స్తో, క్లాస్తో అందరి దృష్టిని ఆకర్షించాడు. అయితే మొదటి కొన్ని సంవత్సరాలు ఆయనకు అంత తేలికగా లేవు. జట్టులో స్థానాన్ని నిలబెట్టుకోవడానికి చాలా కష్టపడ్డాడు. 2013 వరకూ అతని కెరీర్లో తీవ్ర ఒడిదొడుకులు కనిపించాయి. కొన్నిసార్లు మంచి ఇన్నింగ్స్ ఆడినా, స్థిరత్వం లోపించడం వల్ల తరచూ జట్టులో నుంచి తప్పుకోవాల్సి వచ్చింది.
సచిన్ రిటైర్మెంట్ తర్వాత రోహిత్ రైజ్
2013లో ఒక మలుపు తిరిగింది. మాస్టర్ బ్లాస్టర్ సచిన్ టెండూల్కర్ (Sachin Tendulkar) రిటైర్ అవ్వడంతో భారత జట్టులో ఓపెనర్ స్థానంలో పెద్ద ఖాళీ ఏర్పడింది. అప్పుడు రోహిత్ శర్మకు అవకాశం లభించింది. ఆ అవకాసాన్ని పట్టుకొని ఇక వెనుదిరిగి చూడలేదు. వన్డేల్లో వరుసగా డబుల్ సెంచరీలు చేయడం, టెస్ట్ మ్యాచ్ల్లో పెద్ద స్కోర్లు నమోదు చేయడం ద్వారా రోహిత్ అంతర్జాతీయ క్రికెట్లో తనదైన స్థానాన్ని ఏర్పరుచుకున్నాడు.గత 18 ఏళ్లుగా భారత జట్టులో కొనసాగుతున్న రోహిత్..టీ20, టెస్ట్ ఫార్మాట్కు వీడ్కోలు పలికి వన్డేల్లో మాత్రమే ఆడుతున్నాడు. ఆస్ట్రేలియాతో అక్టోబర్లో జరిగే మూడు వన్డేల సిరీస్తో మళ్లీ భారత జట్టులోకి రీఎంట్రీ ఇవ్వనున్నాడు.
ఆసక్తికర విషయాలు
ఇటీవలే బెంగళూరులోని సెంటర్ ఆఫ్ ఎక్సలెన్స్ (COE)లో యో యోతో పాటు బ్రాంకో టెస్ట్లను రోహిత్ శర్మ (Rohit Sharma) క్లియర్ చేశాడు. కెరీర్ ఆరంభంలో(2013) రోహిత్ శర్మ ఫిల్మ్ఫేర్ అనే వెబ్సైట్కు ఇచ్చిన ఇంటర్వ్యూలో ఆసక్తికర విషయాలు పంచుకున్నాడు. బాలీవుడ్ స్టార్స్ హృతిక్ రోషన్, సైఫ్ అలీ ఖాన్, అక్షయ్ కుమార్లు తన అభిమాన నటులని చెప్పిన రోహిత్ శర్మ.. హీరోయిన్లలో విద్యా బాలన్, దీపికా పడుకొనే నటన అంటే చాలా ఇష్టమని తెలిపాడు.ఇక కరీనా కపూర్ అంటే తనకు పిచ్చి అని, ఆమె తన క్రష్ అని పేర్కొన్నాడు. సినిమాల్లో నటించే అవకాశం వస్తే.. కరీనా కపూర్తో చేస్తానని కూడా తన మనసులోని మాటను వెల్లడించాడు. ‘కరీనా కపూర్ చాలా అందంగా ఉంటుంది. ఆమె అంటే నాకు ఎప్పటినుంచో క్రష్ ఉంది. నేను ఆమెకు డైహార్డ్ ఫ్యాన్. ఆమె సినిమాలు అన్నీ చూశాను.’అని తెలిపాడు.
డైరెక్టర్ సినిమా ఆఫర్ చేసిన ఘటన
అంతేకాకుండా ఓ యాడ్ షూట్ సందర్భంగా డైరెక్టర్ సినిమా ఆఫర్ చేసిన ఘటనను కూడా రోహిత్ గుర్తు చేసుకున్నాడు. ‘ఒకసారి యాడ్ షూటింగ్ చేస్తున్నప్పుడు.. ఆ డైరెక్టర్ నా ఫేస్ చాలా ఫోటోజెనిక్గా ఉందని చెప్పాడు. సినిమాల్లో సెట్ అవుతారని తెలిపాడు. నాతో కలిసి సినిమా తీయాలనుందని చెప్పాడు. అయితే నాకు సినిమాలు తీసే సమయం లేదని, నా వ్యక్తిగత పనులకే సమయం దొరకడం లేదన్నాను.క్రికెట్ తప్పా తాను మరేమి ఆలోచించడం లేదని చెప్పాను. నా కెరీర్ ఆరంభంలోనే ఉందని, భవిష్యత్తులో అవకాశం వస్తే యాక్టింగ్ గురించి ఆలోచిస్తానని బదులిచ్చాను. ఒకవేళ నేను సినిమాలో నటిస్తే కరీనా కపూర్ నా హీరోయిన్గా ఉండాలని కోరుకుంటున్నాను. ఆమె అంటే నాకు చాలా ఇష్టం. ఆమె సినిమాలన్నీ నాకు బాగా నచ్చుతాయి.’అని ఆ ఇంటర్వ్యూలో హిట్ మ్యాన్ చెప్పుకొచ్చాడు.
రోహిత్ శర్మ అంతర్జాతీయ అరంగేట్రం ఎప్పుడు చేశాడు?
రోహిత్ శర్మ 2007లో ఐర్లాండ్పై వన్డే మ్యాచ్తో భారత జట్టులో అరంగేట్రం చేశాడు. అదే ఏడాది టీ20 వరల్డ్ కప్లో కూడా ఆడాడు.
రోహిత్ శర్మ ప్రత్యేకత ఏమిటి?
రోహిత్ శర్మ తన శ్రద్ధాకరమైన బ్యాటింగ్, పెద్ద ఇన్నింగ్స్ ఆడగలిగే నైపుణ్యం, శీఘ్ర శతకాలు కొట్టగల ప్రతిభతో ప్రసిద్ధుడు.
Read hindi news: hindi.vaartha.com
Read also: