Latest News: Nitish Rana జేబులో హనుమాన్ చాలీసా

ఢిల్లీ ప్రీమియర్ లీగ్ (DPL) 2025లో వెస్ట్ ఢిల్లీ లయన్స్ తరఫున ఆడుతున్న కెప్టెన్ నితీష్ రాణా తన అద్భుతమైన ప్రదర్శనతో జట్టుకు వరుస విజయాలు అందిస్తున్నాడు. ముఖ్యంగా కీలక సందర్భాల్లో అతని బ్యాటింగ్ జట్టును గెలుపు దిశగా నడిపించడం అభిమానులను ఆకట్టుకుంటోంది. అయితే తన ఫామ్ వెనుక ఉన్న రహస్యం ఏమిటో నితీష్ రాణా స్వయంగా వెల్లడించడం ఇప్పుడు క్రికెట్ ప్రపంచంలో పెద్ద చర్చగా మారింది.ఒక మ్యాచ్ అనంతరం మీడియాతో మాట్లాడిన నితీష్ రాణా (Nitish Rana), “నేను బ్యాటింగ్ చేసేటప్పుడు జేబులో హనుమాన్ చాలీసా పెట్టుకుంటాను. అది నాకు ఆత్మవిశ్వాసం, శక్తి ఇస్తుంది. ప్రతిసారి క్రీజ్‌లో నిలబడినప్పుడు భగవంతుడు నాతో ఉన్నారని అనిపిస్తుంది” అని చెప్పాడు.

జేబులో హనుమాన్ చాలీసా పెట్టుకుంటాను

ఈ మాటలు వినగానే అక్కడ ఉన్నవాళ్లు ఆశ్చర్యపోయారు. ఎందుకంటే ఆధునిక క్రికెట్‌ (Cricket) లో ఫిట్‌నెస్, ప్రాక్టీస్, టెక్నిక్ గురించి ఎక్కువగా చర్చ జరుగుతుంటుంది. కానీ ఒక ఆటగాడు తన భక్తి, ఆధ్యాత్మికతను విజయ రహస్యంగా చెప్పడం చాలా అరుదైన విషయం.క్వాలిఫయర్ 2 మ్యాచ్‌లో ఈస్ట్ ఢిల్లీ రైడర్స్ జట్టుపై వెస్ట్ ఢిల్లీ లయన్స్ 8 వికెట్ల తేడాతో విజయం సాధించి డీపీఎల్ 2025 ఫైనల్‌కు చేరుకుంది. ఈ టోర్నమెంట్‌లో నితీష్ రాణా ఇప్పటివరకు 10 మ్యాచ్‌లలో 188.02 స్ట్రైక్ రేట్‌తో 314 పరుగులు చేసి తన జట్టుకు వెన్నెముకగా నిలిచాడు.