ఇంగ్లండ్ గడ్డపై టీమిండియా అందించిన గెలుపు టెస్టు చరిత్రలో ప్రత్యేకస్థానాన్ని దక్కించుకుంది. ఓటమి ఖాయంగా అనిపించిన దశలో ఊహించని విధంగా విజయం సాధించి ఆతిథ్య ఇంగ్లండ్ (England) జట్టును ఓడించింది. క్రికెట్ విశ్లేషకులను సైతం ఆశ్చర్యానికి గురిచేసిన ఈ విజయంలో పేసర్ల పాత్ర కీలకం.
ప్రసిద్ధ్ కృష్ణ విజృంభణ – రెండో ఇన్నింగ్స్ లో అద్భుత ప్రదర్శన
ఓవల్ టెస్టులో మహ్మద్ సిరాజ్తో పాటు ప్రసిద్ధ్ కృష్ణ దూకుడుగా రాణించాడు. రెండు ఇన్నింగ్స్లలో కలిపి 8 వికెట్లు తీసి మ్యాచ్ను టీమిండియా పక్షాన తిప్పేశాడు. ఆయన బౌలింగ్లో స్పష్టంగా అనుభవం, వ్యూహాత్మకత కనిపించాయి.
జోష్ టంగ్ వికెట్ – క్లాస్ ప్లాన్ & బ్రిలియంట్ ఎగ్జిక్యూషన్
ఇంగ్లండ్ బ్యాటర్ జోష్ టంగ్ను అవుట్ చేసిన తీరు ప్రసిద్ధ్లో ఉన్న క్రికెట్ మేధస్సును చాటిచెప్పింది. అవుట్ స్వింగర్ వేయబోతున్నట్లు కెప్టెన్ గిల్కు సంకేతాలు ఇచ్చిన ప్రసిద్ధ్, ఫీల్డింగ్ సెట్టప్ కూడా అందుకు తగినట్టే మార్చాడు. థర్డ్ మ్యాన్ను వెనక్కి పంపించి, అవుట్స్వింగ్ అనిపించేలా ప్లాన్ చేశాడు. కానీ అర్థాంతరంగా లోపలికి స్వింగ్ అయిన బంతితో జోష్ టంగ్ను క్లీన్ బౌల్డ్ చేసి అందరినీ ఆకట్టుకున్నాడు. ఈ తరహా ఫీల్డింగ్ సెట్టింగ్ చూస్తే ఎవరైనా సరే, బౌలర్ అవుట్ స్వింగర్ వేస్తాడనే అనుకుంటారు. కానీ, ప్రసిద్ధ్ కృష్ణ మాత్రం సర్రున దూసుకుపోయేలా ఓ ఇన్ స్వింగర్ విసరడంతో జోష్ టంగ్ తత్తరపాటుకు గురై క్లీన్ బౌల్డయ్యాడు. ఊహించని విధంగా లోపలికి స్వింగ్ అయిన ఆ బంతి వికెట్లను గిరాటేసింది.
‘‘జీనియస్..బుర్ర వాడాడు!’’ – కావ్యా మారన్ ప్రశంసల జల్లు
ఈ అసాధారణ వికెట్పై సన్రైజర్స్ హైదరాబాద్ యజమానురాలు కావ్యా మారన్ (Kavya Maran) సోషల్ మీడియాలో స్పందించారు.
“సెట్ అప్ అదిరింది (set up is awesome).. ఇంగ్లండ్ బ్యాటర్ను అద్భుతంగా మోసం చేశాడు ప్రసిద్ధ్.. నిజంగా బ్రెయిన్ వాడాడు.. జీనియస్!” అని ఆమె పేర్కొన్నారు. తన పొగడ్తలతో పాటు ఆ బంతికి సంబంధించిన వీడియోను కూడా పంచుకోవడం సోషల్ మీడియాలో వైరల్ అయ్యింది.
సోషల్ మీడియాలో వైరల్ అయిన ప్రసిద్ధ్ క్లిప్
ప్రసిద్ధ్ వేసిన ఆ ఇంటెలిజెంట్ బంతి వీడియో క్షణాల్లో సోషల్ మీడియాలో ట్రెండ్ అయింది. అభిమానులు, క్రికెట్ నిపుణులు ప్రసిద్ధ్ చతురతపై ప్రశంసలు కురిపిస్తున్నారు. ఇదే ఊపుతో అంతర్జాతీయ క్రికెట్లో ఆయనకు స్థిర స్థానం దక్కుతుందన్న ఆశాభావం వ్యక్తమవుతోంది.
Read hindi news: hindi.vaartha.com
Read also: