Ishan Kishan: ఐపీఎల్ 2026 సీజన్ ఆరంభానికి ముందే సన్రైజర్స్ హైదరాబాద్ (SRH) క్యాంప్లో ఆసక్తికర పరిణామాలు చోటుచేసుకుంటున్నాయి. ఒకవైపు రెగ్యులర్ కెప్టెన్ పాట్ కమిన్స్ దూరం కావడం, మరోవైపు ప్రాక్టీస్ మ్యాచ్లో తాత్కాలిక సారథి ఇషాన్ కిషన్ (Ishan Kishan) కు ఎదురైన చేదు అనుభవం ఇప్పుడు నెట్టింట వైరల్ అవుతోంది.
Read Also: IPL2026: SRH ప్రాక్టీస్ మ్యాచ్లో సలిల్ అరోరా విధ్వంసం
Ishan Kishan: అసలేం జరిగింది?
ఎస్ఆర్హెచ్ డ్రెస్సింగ్ రూమ్లో జోరుగా సాగుతున్న ప్రాక్టీస్ సెషన్లలో ఒక చిన్నపాటి వివాదం చోటుచేసుకుంది. తాత్కాలిక కెప్టెన్ హోదాలో ఉన్న స్టార్ ప్లేయర్ ఇషాన్ కిషన్ను ఒక యువ బౌలర్ నిలదీయడం అందరినీ ఆశ్చర్యపరిచింది.లెగ్ స్పిన్నర్ జీసన్ అన్సారి బౌలింగ్లో కిషన్ మొదటి నాలుగు బంతుల్లోనే రెండు సిక్సులు, రెండు ఫోర్లు బాది మంచి టచ్లో కనిపించాడు. అయితే తర్వాతి ఫుల్ లెంగ్త్ డెలివరీలో కిషన్ డీప్ స్క్వేర్ లెగ్ వద్ద ఈజీ క్యాచ్ ఇచ్చి ఔట్ అయ్యాడు.
వికెట్ తీసుకున్న వెంటనే అన్సారి కోపంగా సెలబ్రేట్ చేస్తూ, కిషన్ను పెవిలియన్ వైపు వెళ్లమని చేతితో చూపిస్తూ సెండ్-ఆఫ్ ఇచ్చాడు. అయితే కిషన్ మాత్రం దీనిని సీరియస్గా తీసుకోకుండా నవ్వుతూ స్పందించడం గమనార్హం.ఇదే ప్రాక్టీస్ మ్యాచ్లో అభిషేక్ శర్మ బ్యాట్తో మోత మోగించాడు. సిక్సర్లు, ఫోర్లతో స్టేడియాన్ని దద్దరిల్లించాడు. తొలి ఇన్నింగ్స్లో 94 పరుగులతో చెలరేగిన అభిషేక్, రెండో ఇన్నింగ్స్లో కేవలం 12 పరుగులకే అవుటయ్యాడు. ఇషాన్ కిషన్ కూడా కేవలం 25 బంతుల్లోనే 72 పరుగులు చేయడం విశేషం. టీ20 వరల్డ్కప్ జోష్లో ఉన్న ఈ ఇద్దరూ ఐపీఎల్ 2026లోనూ వీరవిహారం చేస్తారని అభిమానులు భావిస్తున్నారు.
Read hindi news: hindi.vaartha.com
Epaper: epaper.vaartha.com
Read Also: