SRH Captain : ఐపీఎల్ 2026 సీజన్కు సంబంధించి సన్రైజర్స్ హైదరాబాద్ అభిమానులకు షాకింగ్ న్యూస్ వైరల్గా మారింది. జట్టు రెగ్యులర్ కెప్టెన్ పాట్ కమ్మిన్స్ గాయం కారణంగా మొదటి కొన్ని మ్యాచ్లకు దూరం కానున్నట్లు సమాచారం.
ఈ పరిస్థితుల్లో SRH జట్టుకు కొత్త కెప్టెన్గా యువ ఆటగాడు అభిషేక్ శర్మ పగ్గాలు చేపట్టే అవకాశం ఉన్నట్లు టాక్ జోరుగా వినిపిస్తోంది.
కమ్మిన్స్ ఫిట్నెస్ సందేహం
SRH జట్టు ఈసారి బలమైన స్క్వాడ్తో బరిలోకి దిగుతోంది. టాప్ ప్లేయర్స్ అందరూ అందుబాటులో ఉండటంతో అభిమానులు భారీ అంచనాలు పెట్టుకున్నారు.
అయితే కెప్టెన్ పాట్ కమ్మిన్స్ వెన్ను నొప్పి కారణంగా పూర్తి ఫిట్నెస్ సాధించలేదని తెలుస్తోంది. గతంలో కూడా యాషెస్ సిరీస్ సమయంలో గాయం కారణంగా అతడు మధ్యలోనే దూరమయ్యాడు.
ప్రస్తుతం కోలుకుంటున్నప్పటికీ IPL ప్రారంభానికి పూర్తిగా సిద్ధమవుతాడా లేదా అనేది ఇంకా క్లారిటీ లేదు.
అభిషేక్ శర్మకు ఛాన్స్?
ఒకవేళ కమ్మిన్స్ అందుబాటులో లేకపోతే అభిషేక్ శర్మను కెప్టెన్గా నియమించే అవకాశాలు ఉన్నట్లు సమాచారం. జట్టు మేనేజ్మెంట్ కూడా ఇదే ఆలోచనలో ఉన్నట్లు తెలుస్తోంది.
అభిషేక్ శర్మ ఇటీవలి మ్యాచ్లలో అద్భుత ప్రదర్శనతో జట్టులో కీలక ప్లేయర్గా మారాడు. దీంతో అతనిపై నమ్మకం పెరిగినట్లు తెలుస్తోంది.
Read Also: Gold rate 16/03/26 : ఈరోజు బంగారం ధరలు, హైదరాబాద్లో ఎంతంటే?
ఇషాన్ కిషన్ పేరు కూడా రేసులో
అభిషేక్ శర్మతో పాటు మరో పేరు కూడా బలంగా వినిపిస్తోంది. టీ20 వరల్డ్ కప్లో విధ్వంసకర బ్యాటింగ్ చేసిన ఇషాన్ కిషన్ను కూడా కెప్టెన్సీకి పరిశీలిస్తున్నట్లు టాక్ వినిపిస్తోంది.
చివరికి SRH మేనేజ్మెంట్ ఎలాంటి నిర్ణయం తీసుకుంటుందో చూడాలి.
SRH మ్యాచ్ షెడ్యూల్
BCCI ఇప్పటికే IPL 2026కు సంబంధించి తొలి దశ షెడ్యూల్ విడుదల చేసింది. ఇందులో భాగంగా SRH జట్టు మార్చి 28న రాయల్ ఛాలెంజర్స్ బెంగళూరుతో తొలి మ్యాచ్ ఆడనుంది.
మార్చి 28 – సన్రైజర్స్ హైదరాబాద్ vs రాయల్ ఛాలెంజర్స్ బెంగళూరు – బెంగళూరు
ఏప్రిల్ 2 – సన్రైజర్స్ హైదరాబాద్ vs కోల్కతా నైట్ రైడర్స్ – కోల్కతా
ఏప్రిల్ 5 – సన్రైజర్స్ హైదరాబాద్ vs లక్నో సూపర్ జెయింట్స్ – హైదరాబాద్
ఏప్రిల్ 11 – సన్రైజర్స్ హైదరాబాద్ vs పంజాబ్ కింగ్స్ – న్యూ చండీగఢ్
Read hindi news: hindi.vaartha.com
Epaper : epaper.vaartha.com
Read Also: