IPL 2025 : ప్లేఆఫ్స్ నుంచి చెన్నై ఔట్

ప్లేఆఫ్స్ నుంచి చెన్నై ఔట్ – మిగిలిన జట్లకు కొత్త టెన్షన్

ఐపీఎల్ 2025, 18వ సీజన్‌లో చెన్నై సూపర్ కింగ్స్ (CSK) ప్లేఆఫ్స్ రేసు నుంచి అధికారికంగా వెలుపలైంది. ఇప్పటి వరకు చెన్నై 10 మ్యాచ్‌లు ఆడగా కేవలం రెండు విజయాలనే సొంతం చేసుకుంది. లీగ్ దశలో ఇంకా నాలుగు మ్యాచ్‌లు మిగిలివుండగా, వీటిలో గెలిచినా లేదా ఓడిపోయినా ప్లేఆఫ్స్ రేసుపై ఎటువంటి ప్రభావం ఉండదు. అంటే ప్రస్తుతం చెన్నైకి ఇకపై టెన్షన్ లేదు, కానీ ఇతర జట్లకు మాత్రం కొత్త టెన్షన్ మొదలైంది.మిగిలిన నాలుగు మ్యాచ్‌ల్లో ఆటగాళ్లు నిశ్చింతగా ఆడి మంచి ప్రదర్శన చేసే అవకాశం ఉంది. ప్లేఆఫ్స్ రేసు ముగిసిన తర్వాత కూడా చెన్నై మిగిలిన మ్యాచ్‌లు గెలిచి తమ అభిమానులను సంతృప్తిపరచాలని ప్రయత్నిస్తోంది. అయితే ఇదే సమయంలో చెన్నై గెలిస్తే మిగిలిన జట్లకు ప్లేఆఫ్స్ అవకాశాలపై ప్రభావం పడుతుంది. చెన్నై మిగతా మ్యాచ్‌లు ఈ నెల 3న ఆర్సీబీతో, 7న కేకేఆర్‌తో, 12న రాజస్థాన్‌తో, 18న గుజరాత్తో జరగనున్నాయి. ఈ మ్యాచుల్లో చెన్నై గెలిస్తే ఆయా జట్ల పాయింట్లు పడిపోయి వారి ప్లేఆఫ్స్ ఆశలపై నీళ్లు ఊరించొచ్చు.రాయల్ ఛాలెంజర్స్ బెంగళూరు ఇప్పటివరకు 10 మ్యాచ్‌లు ఆడి 7 విజయాలతో టాప్‌లో కొనసాగుతోంది. ఇంకా నాలుగు మ్యాచ్‌లు మిగిలివుండగా, కనీసం రెండు మ్యాచ్‌లు గెలిస్తే ప్లేఆఫ్స్‌కి అర్హత పొందుతుంది. అయితే టాప్ 2లో నిలవాలంటే చెన్నైపై విజయం చాలా కీలకంగా మారుతుంది.

IPL : ప్లేఆఫ్స్ నుంచి చెన్నై ఔట్

కోల్‌కతా నైట్ రైడర్స్ ఇప్పటి వరకు 10 మ్యాచ్‌ల్లో 4 విజయాలు సాధించగా, వర్షం కారణంగా ఒక మ్యాచ్ రద్దైంది. కేకేఆర్ ఖాతాలో 9 పాయింట్లు ఉన్నాయి. ఈ జట్టు కూడా ప్లేఆఫ్స్‌కి చేరాలంటే మిగిలిన నాలుగు మ్యాచ్‌ల్లోనూ గెలవాల్సి ఉంది. ఇందులో చెన్నైతో ఒక మ్యాచ్ ఉండటంతో అది నిర్ణాయకంగా మారనుంది.ఇక రాజస్థాన్ రాయల్స్ జట్టు కూడా ఇప్పటి వరకు 10 మ్యాచ్‌లు ఆడి కేవలం మూడు విజయాలు మాత్రమే సాధించింది. ఆ జట్టు ఖాతాలో 6 పాయింట్లు ఉన్నాయి. ఇంకా నాలుగు మ్యాచ్‌లు మిగిలివుండగా వాటిలో గెలిస్తేనే ప్లేఆఫ్స్ ఆశలు బ్రతకుతాయి. అయితే చెన్నైపై ఓడిపోతే ప్లేఆఫ్స్ ఆశలు ముగిసినట్టే.గుజరాత్ టైటాన్స్ ఇప్పటివరకు తొమ్మిది మ్యాచ్‌లు ఆడి 6 విజయం సాధించింది. ప్రస్తుతం పాయింట్ల పట్టికలో నాలుగో స్థానంలో ఉంది. మరో ఐదు మ్యాచ్‌లు మిగిలివుండగా కనీసం మూడు మ్యాచ్‌లు గెలిస్తే ప్లేఆఫ్స్‌కి చేరే అవకాశాలు మెండుగా ఉంటాయి. అయితే టాప్ 2లో ఉండాలంటే చెన్నైతో జరగబోయే మ్యాచ్ కీలకంగా మారనుంది.ఈ నేపథ్యంలో చెన్నై ప్లేఆఫ్స్ రేసు నుంచి ఔట్ అయినా, మిగిలిన జట్ల ఫేట్ మాత్రం చెన్నై చేతుల్లో ఉండే అవకాశముంది. ఓవర్ ఆల్రెడీ కానీ గేమ్ ఇంకా మిగిలే ఉన్నట్టు ఈ ఐపీఎల్ సీజన్ ఆసక్తికరంగా మారుతోంది.