IND vs SA: టీ20 ప్రపంచకప్లో భాగంగా ఈరోజు (ఆదివారం) అహ్మదాబాద్ వేదికగా భారత్, దక్షిణాఫ్రికా జట్ల మధ్య హై-వోల్టేజ్ మ్యాచ్ జరగనుంది. ఈ మ్యాచ్ టీమ్ ఇండియా యువ ఓపెనర్ అభిషేక్ శర్మకు కెరీర్లోనే అత్యంత కీలక పరీక్షగా మారనుంది. టోర్నీలో ఇప్పటివరకు ఆశించిన స్థాయిలో రాణించలేకపోయిన అభిషేక్, ఈ మ్యాచ్లోనైనా తన సత్తా చాటాలని పట్టుదలతో ఉన్నాడు.
Read Also: Surya-Abhishek: అభిషేక్ కు కెప్టెన్ సూర్యకుమార్ యాదవ్ మద్దతు
హ్యాట్రిక్ డకౌట్లు.. ఆందోళనలో అభిమానులు
ఈ ప్రపంచకప్లో అభిషేక్ శర్మ ప్రదర్శన అత్యంత నిరాశాజనకంగా సాగుతోంది. యూఎస్ఏ, పాకిస్థాన్ మరియు నెదర్లాండ్స్తో జరిగిన గత మూడు మ్యాచ్ల్లోనూ ఆయన పరుగులేమీ చేయకుండానే డకౌట్ (Back-to-back zeros) అయ్యాడు. పవర్ప్లేలో జట్టుకు మెరుపు ఆరంభం ఇవ్వాల్సిన ఓపెనర్ ఇలా వరుసగా విఫలమవడం టీమ్ మేనేజ్మెంట్ను ఆందోళనకు గురిచేస్తోంది.
దీంతో సోషల్ మీడియా వేదికగా అభిమానులు కూడా ఆయన ఫామ్పై తీవ్ర నిరాశ వ్యక్తం చేస్తున్నారు.అభిషేక్ శర్మ స్థానంలో సంజూ శాంసన్ను జట్టులోకి తీసుకోవాలనే డిమాండ్లు వినిపించాయి. అయితే, జట్టు యాజమాన్యంతో పాటు కెప్టెన్ సూర్యకుమార్ యాదవ్ అతడికి పూర్తి మద్దతు ప్రకటించారు. అభిషేక్పై తమకు పూర్తి నమ్మకం ఉందని, అతడు కచ్చితంగా రాణిస్తాడని ధీమా వ్యక్తం చేశారు.
Read hindi news: hindi.vaartha.com
Read Also Epaper : epaper.vaartha.com
Read Also: