IND vs USA : టీ20 వరల్డ్ కప్ 2026లో India జట్టుకు ఆరంభంలోనే భారీ ఎదురుదెబ్బ తగిలింది. United States తో జరుగుతున్న మ్యాచ్లో పవర్ప్లేలో భారత్ కేవలం 46 పరుగులకే 4 వికెట్లు కోల్పోయింది. ఇందులో మూడు వికెట్లు ఒకే ఓవర్లో పడటం మ్యాచ్ను పూర్తిగా మలుపు తిప్పింది.
అమెరికా బౌలర్ Shadley van Schalkwyk తన రెండో ఓవర్లోనే భారత్ను కకావికలం చేశాడు. మొదటి ఓవర్లో 8 పరుగులు ఇచ్చినప్పటికీ, రెండో ఓవర్లో తెలివైన బౌలింగ్తో భారత బ్యాటింగ్ను కుదిపేశాడు. ఐదో ఓవర్ తర్వాత భారత్ స్కోరు 44/1గా ఉండగా, ఈ ఓవర్ను టార్గెట్ చేయాలన్న ఆలోచన భారత బ్యాటర్లకు భారీ నష్టాన్ని తెచ్చింది.
మొదటి వికెట్ – ఇషాన్ కిషన్
5.2 ఓవర్లో ఇషాన్ కిషన్ మిడ్ ఆఫ్ మీదుగా షాట్ ఆడే ప్రయత్నంలో క్యాచ్ ఇచ్చాడు. మిలింద్ కుమార్ ఆ క్యాచ్ను సులువుగా పట్టుకున్నాడు.
Read Also: Vijay Sethupathi: రామాయణం సినిమాలో ‘మక్కల్ సెల్వన్’?
రెండో వికెట్ – తిలక్ వర్మ
5.5 ఓవర్లో తిలక్ వర్మ మిడ్ వికెట్ మీదుగా భారీ షాట్ ఆడాలని ప్రయత్నించాడు. అయితే అదనపు బౌన్స్ కారణంగా షాట్ సరిగ్గా కనెక్ట్ కాలేదు. బంతి నేరుగా కెప్టెన్ మోనాంక్ పటేల్ చేతుల్లోకి వెళ్లింది.
మూడో వికెట్ – శివమ్ దూబే
5.6 ఓవర్లో శివమ్ దూబే తొలి బంతికే భారీ షాట్కు ప్రయత్నించాడు. షెడ్లీ వేసిన స్లో బంతిని సరిగ్గా అంచనా వేయలేక, ఎడ్జ్ తీసుకున్న బంతి షార్ట్ ఫైన్ లెగ్కు వెళ్లగా, సౌరభ్ నేత్రవాల్కర్ క్యాచ్ పట్టాడు. దీంతో ఒకే ఓవర్లో మూడు వికెట్లు కోల్పోయి భారత్ తీవ్ర ఒత్తిడిలో పడింది.
షెడ్లీ వాన్ షాల్క్విక్ ఎవరు?
షెడ్లీ వాన్ షాల్క్విక్ సౌత్ ఆఫ్రికా మూలాలు కలిగిన అమెరికా క్రికెటర్. సౌత్ ఆఫ్రికాలోని వ్యెన్బర్గ్ హై స్కూల్లో చదివిన ఆయన, అక్కడి నుంచే జాక్స్ కాలిస్ వంటి దిగ్గజులు క్రికెట్ ప్రపంచానికి వచ్చారు. వెస్టర్న్ ప్రావిన్స్ తరఫున ఫస్ట్ క్లాస్ క్రికెట్ ఆడిన షెడ్లీ, 2019 తర్వాత అమెరికాకు మకాం మార్చాడు. ఆ తర్వాత యూఎస్ఏ క్రికెట్లో తన స్థానాన్ని సంపాదించుకుని, టీ20 వరల్డ్ కప్లలో కీలక పాత్ర పోషిస్తున్నాడు.
Read hindi news: hindi.vaartha.com
Read Also Epaper : epaper.vaartha.com
Read Also:
