కొన్ని గంట‌ల్లో దాయాదుల పోరు ప్రారంభం

క్రికెట్ ప్రపంచం అంతా ఆసక్తిగా ఎదురుచూస్తున్న చిరకాల ప్రత్యర్థుల పోరు భారత్ వర్సెస్ పాకిస్థాన్. ఛాంపియన్స్ ట్రోఫీలో భాగంగా ఈరోజు దుబాయ్ వేదికగా ఈ గ్రాండ్ మ్యాచ్ జరగనుంది. కొన్ని గంటల్లోనే ఈ హై-వోల్టేజ్ మ్యాచ్ ప్రారంభం కానుండగా, క్రికెట్ అభిమానులందరూ ఈ పోరును ఆస్వాదించేందుకు సిద్ధంగా ఉన్నారు.ఓపెనింగ్ మ్యాచ్‌లో న్యూజిలాండ్ చేతిలో ఓటమి పాలైన ఆతిథ్య పాకిస్థాన్‌కు ఈ గేమ్ అత్యంత కీలకం. ఈ మ్యాచ్‌లో ఓడితే సెమీఫైనల్ అవకాశాలు దాదాపుగా కష్టతరమే. అందుకే, ఆ జట్టు ఎలాగైనా విజయం సాధించాలని పట్టుదలగా బరిలోకి దిగుతోంది. పాక్ కెప్టెన్ బాబర్ ఆజం సేన ఈ మ్యాచ్‌ను మిగిలిన మ్యాచ్‌ల కంటే చాలా ముఖ్యంగా భావిస్తోంది.టీమిండియా మాత్రం తన మొదటి మ్యాచ్‌లోనే ఘన విజయం సాధించి, మంచి జోష్‌లో ఉంది. బలమైన బ్యాటింగ్ లైనప్, అనుభవజ్ఞులైన బౌలింగ్ యూనిట్, మంచి సమతూకం ఉన్న జట్టుతో భారత్ పాక్‌పై ఆధిక్యత చూపించగలదు. కెప్టెన్ రోహిత్ శర్మ నాయకత్వంలోని జట్టు, గత కొన్ని మ్యాచ్‌లలో పాకిస్థాన్‌పై గెలిచిన అనుభవాన్ని ఈ మ్యాచ్‌లో కొనసాగించాలని చూస్తోంది.

భారత జట్టు

భారత జట్టులో ప్రధానంగా విరాట్ కోహ్లీ, రోహిత్ శర్మ, శుభ్‌మన్ గిల్, కేఎల్ రాహుల్ వంటి బ్యాట్స్‌మెన్ మంచి ఫామ్‌లో ఉన్నారు. బౌలింగ్ విభాగంలో మోహమ్మద్ షమీ, జస్ప్రిత్ బుమ్రా, రవీంద్ర జడేజా కీలక పాత్ర పోషించనున్నారు.

పాక్ జట్టు

పాక్ జట్టుకు బాబర్ ఆజం, మహ్మద్ రిజ్వాన్, షాహీన్ అఫ్రీదీ, హరిస్ రౌఫ్ ప్రధాన బలంగా మారనున్నారు. ముఖ్యంగా బౌలింగ్ విభాగంలో పాక్ పేసర్లు మళ్లీ తమ ప్రతిభను చూపించగలరా? అనిఆసక్తిగా మారింది.

పిచ్ రిపోర్ట్

ఈరోజు మ్యాచ్‌కు ఉపయోగించే దుబాయ్ ఇంటర్నేషనల్ క్రికెట్ స్టేడియం పిచ్ ప్రధానంగా అనుకూలంగా ఉంటుంది.ప్రారంభంలో బౌలర్లకు మద్దతుగా ఉండే పిచ్, వేగంగా బౌలింగ్ చేసే ఆటగాళ్లకు ఉపయోగపడే అవకాశం ఉంది.
మధ్య ఓవర్లలో స్పిన్నర్ల ప్రభావం పెరిగే అవకాశం ఉంది.
ఆట సాగుతున్న కొద్దీ బ్యాటింగ్‌కు అనుకూలంగా మారే అవకాశం ఉంది.
మొదట బ్యాటింగ్ చేసిన జట్టు 270-300 పరుగులు చేస్తే మంచి లక్ష్యమే.

వాతావరణం

భారత్-పాకిస్థాన్ మ్యాచ్‌కు ముందు దుబాయ్ వాతావరణం చల్లగా, ఎండ లేకుండా ఉంటుందని అంచనా. పిచ్ స్లోగా ఉంటుందని, పేసర్లు, స్పిన్నర్లకు అనుకూలంగా ఉంటుందని నివేదికలు చెబుతున్నాయి.ప్రస్తుతం అక్కడ వెదర్‌ రిపోర్ట్‌ ఆధారంగా ఆదివారం 19 డిగ్రీల ఉష్ణోగ్రత నమోదు అయ్యే అవకాశం ఉంది. మబ్బులేం లేకుండా.. ఆకాశమంతా చాలా క్లియర్‌గా ఉంది. సో వర్షం వచ్చే అవకాశం లేదు. మ్యాచ్‌కు వర్షంతో వచ్చిన గండమేమి లేదు. అలాగే ఈ రోజు అక్కడ రోజు ఉండేంత వేడి ఉండకపోవచ్చు. కాస్త చల్లగానే ఉంటుండటంతో రాత్రి పూట డ్యూ కూడా రాదని వాతావరణ నిపుణులు అంటున్నారు.