న్యూజిలాండ్ (IND vs NZ) వన్డే క్రికెట్లో చరిత్ర సృష్టించింది. భారత గడ్డపై తొలి వన్డే సిరీస్ను కైవసం చేసుకుంది. మూడు వన్డేల సిరీస్ను 2-0తో గెలుచుకుంది. ఇండోర్ వేదికగా జరిగిన ఆఖరి మ్యాచ్లో సమష్టిగా రాణించిన న్యూజిలాండ్ 41 పరుగుల తేడాతో గెలుపొందింది.ఈ మ్యాచ్ లో, స్టార్ క్రికెటర్ విరాట్ కోహ్లీ అరుదైన రికార్డును తన ఖాతాలో వేసుకున్నాడు.. ఈ మ్యాచ్ (IND vs NZ) లో కోహ్లీ 91 బంతుల్లో 8 ఫోర్లు, 2 సిక్సర్ల సహాయంతో సెంచరీ బాదాడు. వన్డే ఫార్మాట్లో న్యూజిలాండ్పై కోహ్లీకి ఇది 7వ సెంచరీ. ఈ ఘనతతో కివీస్పై అత్యధిక వన్డే శతకాలు బాదిన ఆటగాడిగా కోహ్లీ సరికొత్త చరిత్ర సృష్టించాడు.
Read Also: IND vs NZ Oneday: వరుసగా రెండో సెంచరీతో డారిల్ మిచెల్ దుమ్మురేపాడు
ఇప్పటివరకు ఆస్ట్రేలియా దిగ్గజం రికీ పాంటింగ్, భారత మాజీ ఓపెనర్ వీరేంద్ర సెహ్వాగ్ (చెరో 6 సెంచరీలు) పేరిట ఉన్న రికార్డును కోహ్లీ అధిగమించాడు.ఈ జాబితాలో సచిన్ టెండూల్కర్, సనత్ జయసూర్య (చెరో 5 సెంచరీలు) తర్వాతి స్థానాల్లో ఉన్నారు.అలాగే, అన్ని ఫార్మాట్లలో కలిపి కూడా కివీస్పై అత్యధిక సెంచరీలు (10) సాధించిన ఆటగాడిగా కోహ్లీ (Virat Kohli) అగ్రస్థానంలో నిలవడం విశేషం. జాక్వెస్ కలిస్, జో రూట్, సచిన్ చెరో 9 శతకాలతో అతని తర్వాతి స్థానంలో ఉన్నారు.
న్యూజిలాండ్పై అత్యధిక సెంచరీలు (వన్డేలు)
7 – విరాట్ కోహ్లీ (36 ఇన్నింగ్సులు)
6 – రికీ పాంటింగ్ (50 ఇన్నింగ్సులు)
6 – వీరేంద్ర సెహ్వాగ్ (23 ఇన్నింగ్సులు)
5 – సచిన్ టెండూల్కర్ (41 ఇన్నింగ్సులు)
5 – సనత్ జయసూర్య (45 ఇన్నింగ్సులు)
కివీస్పై అత్యధిక సెంచరీలు (అన్ని ఫార్మాట్లలో)
10 – విరాట్ కోహ్లీ (73 ఇన్నింగ్సులు)
9 – జాక్వెస్ కలిస్ (76 ఇన్నింగ్సులు)
9 – జో రూట్ (71 ఇన్నింగ్సులు)
9 – సచిన్ టెండూల్కర్ (80 ఇన్నింగ్సులు)
Read hindi news: hindi.vaartha.com
Epaper: epaper.vaartha.com
Read Also: