క్రమంగా ఉత్కంఠను పంచుతున్న ఇండియా vs ఇంగ్లండ్ (IND vs ENG) టెస్ట్ సిరీస్లో మూడో టెస్ట్ భారత్ పరాజయంతో ముగిసింది. లార్డ్స్ వేదికగా జూలై 14న ముగిసిన ఈ మ్యాచ్లో టీమిండియా 22 పరుగుల తేడాతో ఓడిపోయింది. 193 పరుగుల స్వల్ప లక్ష్యాన్ని ఛేదించడంలో భారత్ విఫలమవ్వడం ఆశ్చర్యాన్ని కలిగించింది. టాపార్డర్ పూర్తిగా తేలిపోవడంతో విజయం భారత్ నుంచి దూరమైంది.
ఈ పరాజయంపై భారత క్రికెట్ దిగ్గజం సునీల్ గవాస్కర్ (Sunil Gavaskar) తీవ్ర విమర్శలు చేశారు. ముఖ్యంగా రవీంద్ర జడేజా ఆటతీరు పట్ల ఆయన అభిప్రాయాలను వ్యక్తపరిచారు. “జడేజా అద్భుతంగా పోరాడాడు. కానీ కొన్ని కీలకమైన సందర్భాల్లో అతను తీసుకున్న నిర్ణయాలు సమర్థవంతంగా లేకపోవడం వల్ల మ్యాచ్ భారత్ చేతికి చేరలేదు” అని గవాస్కర్ వ్యాఖ్యానించాడు.
జడేజా – సాహసోపేత పోరాటం, కానీ వ్యూహాత్మక లోపం:
భారత ఇన్నింగ్స్ చివర్లో జడేజా ఒక్కడే ధీరంగా పోరాడుతూ 61 పరుగులతో నాటౌట్గా నిలిచాడు. అయినప్పటికీ, స్పిన్నర్ షోయబ్ బషీర్ బౌలింగ్లో స్ట్రైక్ తన వద్దే ఉంచుకోవాల్సిన అవసరం ఉండగా, అతను సిరాజ్కి ఇచ్చి తప్పు చేశాడని గవాస్కర్ అన్నారు. “సిరాజ్ను ప్రొటెక్ట్ చేయాల్సిన బాధ్యత జడేజాపైనే ఉంది. ఆ సమయంలో అతని అనుభవం ఉపయోగపడాలి. బషీర్ వంటి అన్ఎక్స్పీరియెన్స్డ్ బౌలర్ను ఎదుర్కొని రన్ చేయగలిగే సామర్థ్యం జడేజాకే ఉంది. కానీ అతను సిరాజ్ను స్ట్రైక్కి పంపడంతో కీలక వికెట్ చేజారింది,” అని ఆయన పేర్కొన్నారు.
బౌలింగ్ – బ్యాటింగ్ లో విఫలమైంది భారత్ లోయర్ ఆర్డర్:
ఇంగ్లండ్ టెయిలెండర్లు చివరి మూడు వికెట్లకు 100కి పైగా పరుగులు చేయగా, భారత్ మాత్రం అలాంటి కట్టుబాటు చూపలేకపోయింది. మొదటి ఇన్నింగ్స్లో రిషభ్ పంత్ రనౌట్ అవ్వడం కూడా ఓ ప్రధాన మలుపు అని గవాస్కర్ అభిప్రాయపడ్డారు. మిడిల్ ఆర్డర్లో చిన్న భాగస్వామ్యాలు కూడా లేనిదే మ్యాచ్ చేజారిపోయిందని ఆయన వ్యాఖ్యానించారు. 193 పరుగుల లక్ష్యచేధనలో టీమిండియా టాపార్డర్, మిడిలార్డర్ దారుణంగా విఫలమైంది. సరైన పునాది వేయలేకపోయింది. చివరి రోజు తొలి సెషన్లోనే నాలుగు వికెట్లు కోల్పోవడం టీమిండియా విజయవకాశాలను దెబ్బతీసింది.
టెక్నాలజీపై గవాస్కర్ తీవ్ర విమర్శలు:
కామెంట్రీ సమయంలో హాక్-ఐ టెక్నాలజీపై సందేహాలు వ్యక్తపరిచిన గవాస్కర్, ముఖ్యంగా కేఎల్ రాహుల్ ఎల్బీడబ్ల్యూలో చూపించిన బాల్ ట్రాకింగ్పై నిపుణంగా మాట్లాడారు. “ఇంగ్లండ్ బౌలర్ల బంతులు ఎప్పుడూ స్టంప్లను బలంగా తాకుతున్నట్లు చూపించబడుతోంది. కానీ భారత బౌలర్ల బంతుల విషయంలో బౌన్స్ ఎక్కువగా చూపించడంలో లోపాలున్నాయనిపిస్తోంది. ఇది సాంకేతిక సమస్య కాదు.. కుట్రా?” అంటూ ప్రశ్నించారు.
సిరాజ్పై మైదానంలోని సంఘటన:
మహమ్మద్ సిరాజ్ సంబరాలను తప్పుబడుతూ మ్యాచ్ ఫీజులో 15 శాతం కోత విధించడంతో పాటు డీమెరిట్ పాయింట్ కేటాయించడంపై గవాస్కర్ ఆగ్రహం వ్యక్తం చేశాడు. ‘బెన్ డకెట్ వికెట్ తీసుకున్న తర్వాత సిరాజ్ చేసుకున్న సంబరాల్లో తప్పేం ఉంది? వాస్తవానికి బెన్ డకెట్ సిరాజ్కు ఎదురుగా వచ్చాడు. “ఆ సమయంలో సిరాజ్కి ఎమోషన్లు వచ్చాయి. డకెట్ ముందుకు వచ్చాడు, దీంతో భుజం తగిలింది. ఇది ఉద్దేశపూర్వకంగా కాదు. క్రికెటర్లు కూడా మనుషులే, రోబోలు కావు. వాటిని అర్థం చేసుకోవాలి,” అని గవాస్కర్ స్పష్టం చేశారు .
సునీల్ గవాస్కర్ రికార్డ్?
క్రికెట్ చరిత్రలో గొప్ప ఓపెనింగ్ బ్యాట్స్మెన్లలో ఒకరిగా అభివర్ణించబడిన గవాస్కర్ 125 టెస్ట్ మ్యాచ్లు ఆడి 10,122 పరుగులు చేశాడు. 10,000 టెస్ట్ పరుగులు చేసిన మొదటి బ్యాట్స్మన్ అతను మరియు అలాన్ బోర్డర్ దానిని అధిగమించే వరకు అత్యధిక పరుగులు చేసిన రికార్డును కలిగి ఉన్నాడు.
Read hindi news: hindi.vaartha.com
Read also: Varun Aaron: SRH కు కొత్త బౌలింగ్ కోచ్ గా వరుణ్ ఆరోన్