ఆడిలైడ్ డే-నైట్ టెస్ట్లో టీమిండియా ఘోర పరాజయం: ఆసీస్ ఆధిపత్యం నిలబెట్టింది భారత జట్టు ఆడిలైడ్ వేదికగా జరిగిన డే-నైట్ టెస్టులో ఆస్ట్రేలియా జట్టు చేతిలో తీవ్ర పరాజయాన్ని ఎదుర్కొంది. తొలి ఇన్నింగ్స్లో టీమిండియా కేవలం 180 పరుగులకే పరిమితమై, ఆసీస్ 337 పరుగుల భారీ స్కోరుతో 157 పరుగుల ఆధిక్యాన్ని సాధించింది. రెండో ఇన్నింగ్స్లోనూ భారత్ 175 పరుగులకే కుప్పకూలడంతో, ఆస్ట్రేలియా 19 పరుగుల స్వల్ప లక్ష్యాన్ని సులభంగా చేజిక్కించుకుని 10 వికెట్ల తేడాతో విజయం సాధించింది.ఈ మ్యాచ్తో బోర్డర్-గవాస్కర్ ట్రోఫీ 1-1 సమస్థాయికి చేరింది. డిసెంబర్ 8న మూడో రోజుకే మ్యాచ్ ముగియడం గమనార్హం.
భారత్ రెండో ఇన్నింగ్స్ను 128/5 వద్ద ప్రారంభించగా, క్రీజులో ఉన్న రిషబ్ పంత్, నితీష్ కుమార్ రెడ్డి నుంచి మంచి ప్రతిఘటనకు అభిమానులు ఎదురుచూశారు. కానీ, మిచెల్ స్టార్క్ త్వరగానే పంత్ను పెవిలియన్కు పంపాడు.అంతిమంగా 200 పరుగుల మార్కును చేరకపోవడంఆస్ట్రేలియా కెప్టెన్ పాట్ కమిన్స్ అద్భుతంగా రాణించి కీలక వికెట్లు తీసి, భారత జట్టును ఆలౌట్ చేశాడు. నితీష్ కుమార్ రెడ్డి రెండవ ఇన్నింగ్స్లో కూడా 42 పరుగులతో అగ్రస్థానంలో నిలిచాడు. అయితే, మిగతా ఆటగాళ్లు నిరాశపరిచారు.
కెప్టెన్ రోహిత్ శర్మ రెండింటి ఇన్నింగ్స్లలో కలిపి 9 పరుగులకే పరిమితమయ్యాడు. యశస్వి జైస్వాల్, విరాట్ కోహ్లీ కూడా బ్యాటింగ్లో విఫలమయ్యారు.ఆస్ట్రేలియా మొదటి ఇన్నింగ్స్ ప్రభావం అస్ట్రేలియా తొలి ఇన్నింగ్స్లో ట్రావిస్ హెడ్ 140 పరుగుల మెరుపు ఇన్నింగ్స్ ఆడగా, మార్నస్ లాబుస్చాగ్నే కూడా చక్కటి సహకారం అందించాడు. భారత బౌలింగ్లో జస్ప్రీత్ బుమ్రా మినహా ఇతరులు ఆకట్టుకోలేకపోయారు. మహ్మద్ సిరాజ్, హర్షిత్ రాణా తమ ప్రదర్శనతో తీవ్ర నిరాశపరిచారు. ఈ టెస్టు టీమిండియాకు అనేక మిగిల్చింది—అధిక్కార పోరులో నిలవాలంటే మరింత సమష్టి కృషి చేయాల్సిన అవసరం స్పష్టమైంది.
