చాలా సంవత్సరాల తర్వాత రాయల్ ఛాలెంజర్స్ (Royal Challengers) బెంగళూరు (RCB) టీమ్ ఐపీఎల్ ఫైనల్కు చేరింది. అభిమానుల కళ్లలో ఆనందం మెరిసిపోతోంది. ఇప్పుడు ఈసారి టైటిల్ తమదే కావాలన్న మక్కువ RCB టీమ్లో స్పష్టంగా కనిపిస్తోంది.మంగళవారం, అహ్మదాబాద్లోని నరేంద్ర మోదీ (Narendra Modi) స్టేడియంలో జరగనున్న ఈ భారీ ఫైనల్లో RCB, పంజాబ్ కింగ్స్తో (PBKS vs RCB) తలపడబోతోంది. బెంగుళూరు జట్టు ఇప్పటివరకు ఒక్క ఐపీఎల్ ట్రోఫీ కూడా గెలవలేదు. అందుకే ఈ మ్యాచ్కి స్పెషల్ ప్రాధాన్యత ఉంది.ఫైనల్ చేరిన ఆనందం ఇంకా చల్లారకముందే, జట్టులో రెండు బర్త్డేలు ఒకేసారి వచ్చాయి. ఆదివారం రోజు, కెప్టెన్ రజత్ పటిదార్, కోచ్ దినేష్ కార్తీక్ బర్త్డే ఒకేరోజు జరగడంతో ఆర్సీబీ క్యాంప్లో పండగ వాతావరణం నెలకొంది.జట్టు సభ్యులు వీరిద్దరి బర్త్డేను గ్రాండ్గా సెలబ్రేట్ చేశారు. కుటుంబ సభ్యులు కూడా ఈ సంతోషానికి సాక్షులయ్యారు. కేక్ కట్ చేసిన తర్వాత క్రీడాకారులు కేక్ పూసుకుని సరదాగా ఆటలాడుకున్నారు. ఆ మధుర క్షణాలను ఆర్సీబీ తన అధికారిక ట్విట్టర్ ఖాతాలో షేర్ చేసింది.
సోషల్ మీడియాలో హంగామా
ఆ సెలబ్రేషన్ వీడియో చూసిన అభిమానులు తెగ ఖుషీ అయ్యారు. వీడియో నెట్టింట్లో విపరీతంగా వైరల్ అయింది. కామెంట్లలో అభిమానులు బర్త్డే విషెస్తో పాటు ఫైనల్కి అల్ది బెస్ట్ చెప్పారు. “ఈసారి ట్రోఫీ మీదే!” అంటూ RCB ఫ్యాన్స్ తమ మద్దతు వ్యక్తం చేస్తున్నారు.
ఆర్సీబీ టైటిల్ కల నిజమవుతుందా?
మళ్లీ ఓసారి ఫైనల్కు చేరిన ఆర్సీబీ, ఈసారి టైటిల్ గెలిచే అవకాశాలపై భారీ నమ్మకంతో ఉంది. పంజాబ్ కింగ్స్పై గెలిచి, సంవత్సరాల కలను సాకారం చేసుకోవాలనే పట్టుదలతో ఉంది.
Read Also : Gukesh D : నార్వే చెస్ టోర్నీలో చరిత్ర: గుకేశ్ చేతిలో కార్ల్సన్ ఓటమి