టీ20 ప్రపంచకప్ 2026లో భారత యువ ఓపెనర్ అభిషేక్ శర్మ పేలవ ఫామ్తో అభిమానులను నిరాశపరుస్తున్నాడు. నెదర్లాండ్స్తో జరిగిన చివరి గ్రూప్ మ్యాచ్లోనూ అతను డకౌట్ అవ్వడం చర్చనీయాంశంగా మారింది. అంచనాల భారమే 25 ఏళ్ల అభిషేక్పై తీవ్ర ఒత్తిడిని పెంచుతోందని, అతను భారీ షాట్ల కోసం తొందరపడకుండా క్రీజులో సమయం గడపడంపై దృష్టి పెట్టాలని భారత మాజీ కెప్టెన్ సునీల్ గవాస్కర్ సూచించాడు.
Read Also: INDW vs AUSW T20: రెండో టీ20.. భారత్ పై ఆస్ట్రేలియా విజయం
అతని సహజమైన ఆట అదే బయటకు వస్తుంది
ఈ వరుస వైఫల్యాలతో, టీ20 ప్రపంచకప్ల చరిత్రలో భారత్ తరఫున అత్యధిక డకౌట్లు నమోదు చేసిన ఆశిష్ నెహ్రా సరసన అభిషేక్ నిలిచాడు. స్టార్ స్పోర్ట్స్లో గవాస్కర్ మాట్లాడుతూ, “అభిషేక్ మంచి ఆటగాడే, కానీ అంచనాలు అతనిపై భారం మోపుతున్నట్లు కనిపిస్తోంది. మొదటి బంతికే బౌండరీ లేదా సిక్స్ కొట్టాలని ప్రయత్నించకూడదు.
భారీ షాట్లు వాటంతట అవే వస్తాయి కానీ, బలవంతంగా ఆడకూడదు” అని విశ్లేషించాడు.అమెరికాపై గోల్డెన్ డక్తో మొదలైన అభిషేక్ వైఫల్యం, పాకిస్థాన్, నెదర్లాండ్స్ మ్యాచ్లలోనూ పునరావృతమైంది. ప్రతీసారి ఇన్నింగ్స్ మొదటి ఓవర్లోనే దూకుడుగా ఆడే ప్రయత్నంలో వికెట్ పారేసుకున్నాడు. “ముందు ఒక పరుగు తీసి ఖాతా తెరవాలి. నాలుగైదు బంతులు డాట్ అయినా ఫర్వాలేదు, తర్వాత కవర్ చేయొచ్చు. కాస్త క్రీజులో కుదురుకుంటే, అతని సహజమైన ఆట అదే బయటకు వస్తుంది” అని గవాస్కర్ పేర్కొన్నాడు.
Read hindi news: hindi.vaartha.com
Read Also Epaper : epaper.vaartha.com
Read Also: