ENG vs SCO T20 : పొరుగుదేశం స్కాట్లాండ్పై 5 వికెట్ల తేడాతో ఘన విజయం సాధించింది. టామ్ బాంటన్ అద్భుత అర్ధశతకంతో (63* నాటౌట్) జట్టును విజయతీరాలకు చేర్చాడు. ఇటీవల వెస్టిండీస్ చేతిలో ఎదురైన ఓటమి తర్వాత ఈ విజయం ఇంగ్లండ్కు ఊరటనిచ్చింది.
153 పరుగుల లక్ష్యంతో బ్యాటింగ్ ప్రారంభించిన ఇంగ్లండ్కు ఆరంభంలోనే షాక్ తగిలింది. ఫిల్ సాల్ట్ (2), కెప్టెన్ జోస్ బట్లర్ (3) త్వరగా ఔటయ్యారు. ఈ పరిస్థితుల్లో జాకబ్ బెథెల్ (32)తో కలిసి బాంటన్ ఇన్నింగ్స్ను స్థిరపరిచాడు. వీరిద్దరూ మూడో వికెట్కు కీలకంగా 66 పరుగుల భాగస్వామ్యం నెలకొల్పారు. అనంతరం బాంటన్ దూకుడుగా ఆడుతూ 33 బంతుల్లోనే అర్ధశతకం పూర్తి చేసి చివరి వరకు క్రీజులో నిలిచి, ఇంకా 10 బంతులు మిగిలి ఉండగానే జట్టుకు విజయాన్ని అందించాడు.
Read Also: TamilNadu: ఒంటరిగానే పోటీ చేసి ఫుల్ మెజార్టీ సాధిస్తామన్న విజయ్
అంతకుముందు టాస్ గెలిచి బౌలింగ్ ఎంచుకున్న ఇంగ్లండ్, స్కాట్లాండ్ను 19.4 ఓవర్లలో 152 పరుగులకు కట్టడి చేసింది. స్కాట్లాండ్ తరఫున రిచీ బెరింగ్టన్ (49), మైఖేల్ జోన్స్ (33) పోరాడినా, ఇంగ్లండ్ బౌలర్ల దాడికి జట్టు నిలవలేకపోయింది. ఆదిల్ రషీద్ 3 వికెట్లు తీసుకోగా, జోఫ్రా ఆర్చర్ 2 వికెట్లు పడగొట్టి జట్టు విజయానికి బాటలు వేసాడు.
Read hindi news: hindi.vaartha.com
Read Also Epaper : epaper.vaartha.com
Read Also: