WPL match result : మహిళల ప్రీమియర్ లీగ్లో Delhi Capitals మరోసారి తమ ఆధిపత్యాన్ని నిరూపించింది. కీలక మ్యాచ్లో Gujarat Giantsపై 7 వికెట్ల తేడాతో ఘనవిజయం సాధించి వరుసగా నాలుగోసారి ఫైనల్కు దూసుకెళ్లింది. 169 పరుగుల లక్ష్యాన్ని ఢిల్లీ బ్యాటర్లు కేవలం 17 ఓవర్లలోనే సునాయాసంగా ఛేదించడం మ్యాచ్లో హైలైట్గా నిలిచింది.
లక్ష్య ఛేదనలో ఓపెనర్లు లిజెల్ లీ (43), షఫాలీ వర్మ వేగంగా పరుగులు సాధించి జట్టుకు బలమైన ఆరంభం ఇచ్చారు. అనంతరం కెప్టెన్ జెమిమా రోడ్రిగ్స్ మెరుపు ఇన్నింగ్స్ (23 బంతుల్లో 41)తో మ్యాచ్ను పూర్తిగా ఢిల్లీ వైపు తిప్పింది. లారా వోల్వార్డ్ నిలకడగా ఆడి జట్టును విజయతీరాలకు చేర్చింది.
Nara lokesh news : ఢిల్లీలో లోకేశ్ మిషన్, కేంద్రంతో కీలక నిధుల చర్చలు!
ముందుగా బ్యాటింగ్ చేసిన గుజరాత్ 168 పరుగులు మాత్రమే చేయగలిగింది. బెత్ మూనీ అర్ధశతకం సాధించినా, ఢిల్లీ బౌలర్లు కట్టుదిట్టంగా బౌలింగ్ చేశారు. ముఖ్యంగా చిన్నెల్ హెన్రీ మూడు వికెట్లు తీసి ప్రత్యర్థిని ఒత్తిడిలోకి నెట్టింది.
ఈ విజయంతో ఢిల్లీ మరోసారి ఫైనల్లోకి అడుగుపెట్టింది. టైటిల్ పోరులో Royal Challengers Bengaluruతో తలపడనుంది. గత ఫైనల్ ఓటమికి ప్రతీకారం తీర్చుకుంటుందా? లేక ఆర్సీబీ మళ్లీ ఛాంపియన్ అవుతుందా? అన్నది ఆసక్తిగా మారింది.
Read hindi news: hindi.vaartha.com
Epaper: epaper.vaartha.com
Read Also:
