ఐపీఎల్ 2025 సీజన్లో సన్రైజర్స్ హైదరాబాద్ సంచలన విజయం సాధించి పాయింట్ల పట్టికలో మెరుగైన స్థానానికి చేరుకుంది. పంజాబ్ కింగ్స్పై కీలక విజయం సాధించిన SRH 6 మ్యాచ్లలో 2 విజయాలతో ఎనిమిదో స్థానాన్ని అందుకుంది. ఈ విజయంతో SRH తమ ప్లేఆఫ్స్ అవకాశాలను సజీవంగా ఉంచుకుంది.
ఐదు సార్లు ట్రోఫీ గెలిచిన CSK
అయితే ఐపీఎల్ చరిత్రలో ఐదు సార్లు ట్రోఫీ గెలిచిన చెన్నై సూపర్ కింగ్స్ (CSK) మరియు ముంబై ఇండియన్స్ (MI) మాత్రం తీవ్ర సంక్షోభంలో ఉన్నాయి. ప్రస్తుతం ఈ రెండు జట్లు వరుస పరాజయాలతో 9వ మరియు 10వ స్థానాల్లో నిలిచాయి. చెన్నై రేపు లక్నోతో జరిగే కీలక మ్యాచ్లో ఓడితే, ప్లేఆఫ్స్ ఆశలు పూర్తిగా చతికిల పడే అవకాశం ఉంది. అదే జరిగితే, ఈ సీజన్లో చెన్నై ఇంటిబాట పట్టడం ఖాయం అనే అభిప్రాయాలు వినిపిస్తున్నాయి.
ప్లేఆఫ్స్ అవకాశాలు మరింత సంక్లిష్టం
మరోవైపు, ముంబై ఇండియన్స్కు కూడా ప్లేఆఫ్స్ అవకాశాలు మరింత సంక్లిష్టంగా మారుతున్నాయి. ఇవాళ డిల్లీ క్యాపిటల్స్తో జరగబోయే మ్యాచ్లో ముంబై ఓడితే, టోర్నీ నుంచి నిష్క్రమించాల్సిన పరిస్థితి తలెత్తుతుంది. వరుస పరాజయాలతో ముంబై జట్టు అభిమానులు నిరాశకు గురవుతున్నారు. ఇకపై ప్రతి మ్యాచ్ విన్నింగ్ మ్యాచ్ కావాల్సిన పరిస్థితిలో CSK, MI జట్లు గట్టి పోరాటం చేయాల్సిన అవసరం ఉంది.