మెగాస్టార్ చిరంజీవిని టీమిండియా యువ క్రికెటర్ తిలక్ వర్మ (Tilak Varma) మర్యాదపూర్వకంగా కలిశారు. తెలుగు రాష్ట్రాల యువ ప్రతిభను ప్రోత్సహించడంలో ఎప్పుడూ ముందుంటూ వస్తున్న చిరంజీవి, తాజాగా ఆసియా కప్ (Asia Cup) ఫైనల్లో అద్భుత ప్రదర్శనతో భారత జట్టు విజయంలో కీలక పాత్ర పోషించిన తిలక్ వర్మ (Tilak Varma) ను తన షూటింగ్ సెట్స్కి ఆహ్వానించారు. ఈ స్నేహపూర్వక భేటీ ‘మన శంకర వరప్రసాద్ గారు’ సినిమా సెట్లో జరిగింది.
Read Also: ODI Series: ఆస్ట్రేలియా వన్డే సిరీస్ లైవ్ ఫ్రీగా ఈ ఛానల్ లో చూడండి?
ఈ సందర్భంగా తిలక్ వర్మను చిరంజీవి పూలమాలతో ఘనంగా సత్కరించారు. అంతర్జాతీయ స్థాయిలో అద్భుతమైన ప్రతిభ కనబరుస్తున్న తీరును మెగాస్టార్ ప్రత్యేకంగా ప్రశంసించారు. భవిష్యత్తులో మరిన్ని విజయాలు సాధించాలని ఆకాంక్షించారు. చిరంజీవిలాంటి అగ్ర నటుడి నుంచి ప్రశంసలు అందుకోవడం పట్ల తిలక్ వర్మ తన సంతోషాన్ని వ్యక్తం చేశాడు.
తిలక్ వర్మ వచ్చిన వెంటనే చిరంజీవి ఆయనను ఆలింగనం చేసుకుని సత్కరించారు. తెలుగు తేజం అంతర్జాతీయ స్థాయిలో రాణించడం గర్వకారణమని, ఇలాగే కృషి చేస్తూ భారత క్రికెట్కు మరిన్ని విజయాలు అందించాలని ఆయన అభినందించారు.ప్రారంభ దశలో క్రమశిక్షణ, వినయం, కృషి ఎంతో ముఖ్యమని చిరంజీవి సూచించారు.
తిలక్ వర్మతో కేక్ కట్ చేయించి
అనంతరం ‘మన శంకర వరప్రసాద్ గారు’ (Mana Shankara Varaprasad Garu) చిత్ర బృందం తిలక్ వర్మతో కేక్ కట్ చేయించి తమ ఆనందాన్ని పంచుకుంది. ఈ కార్యక్రమంలో చిత్ర యూనిట్ సభ్యులు కూడా పాల్గొన్నారు. ఇద్దరు ప్రముఖులు ఒకేచోట కనిపించడంతో ఆ ప్రాంతంలో సందడి వాతావరణం నెలకొంది. ఈ కార్యక్రమానికి సంబంధించిన ఫొటోలు ప్రస్తుతం సోషల్ మీడియాలో వైరల్ అవుతున్నాయి.
ఒకే ఫ్రేమ్లో సినీ, క్రీడా రంగాలకు చెందిన ఇద్దరు తారలు కనిపించడంతో అభిమానులు ఆనందం వ్యక్తం చేస్తున్నారు.మెగాస్టార్ చిరంజీవి (Megastar Chiranjeevi) తరచూ యువ ప్రతిభను ప్రోత్సహిస్తూ వస్తున్నారు. గతంలో సైక్లిస్ట్, షూటర్, బాక్సర్ వంటి యువ క్రీడాకారులను కూడా తన ఇంటికి ఆహ్వానించి అభినందించారు. ఇప్పుడు తిలక్ వర్మను గౌరవించడం ఆయన యువతపై ఉన్న ప్రేమను మరలా రుజువు చేసింది.
Read hindi news: hindi.vaartha.com
Epaper: epaper.vaartha.com/
Read Also: