ఒక్క ఓవర్లో వైడ్స్ హీరోస్: చెత్త రికార్డులు సృష్టించిన బౌలర్లు
ప్రపంచ క్రికెట్లో బ్యాటర్లు తుఫాను ఇన్నింగ్స్ ఆడి ఆకట్టుకోవాలని ఆశపడతారు. అదే సమయంలో బౌలర్లు తక్కువ పరుగులు ఇచ్చి ఎక్కువ వికెట్లు తీసేందుకు ప్రయత్నిస్తారు. కానీ కొన్నిసార్లు అవాంఛనీయ రీతిలో విఫలమవుతూ చెత్త రికార్డులను సృష్టిస్తారు. అంతర్జాతీయ క్రికెట్లో కొన్ని ఘటనలు మాత్రం అభిమానులను షాక్కు గురిచేశాయి. వాటిలో ఒక్క ఓవర్లో అత్యధిక బంతులు వేసిన బౌలర్ల గురించి తెలుసుకుంటే ఆశ్చర్యం కలుగుతుంది.ఈ జాబితాలో న్యూజిలాండ్కు చెందిన బెర్ట్ వాన్స్ తొలి స్థానంలో ఉన్నాడు. 1990 ఫిబ్రవరి 20న కాంటర్బరీతో జరిగిన మ్యాచ్లో ఆయన ఒకే ఓవర్లో 22 బంతులు వేశాడు. ఇది ఇప్పటికీ చెత్త రికార్డుగా నిలిచింది.రెండో స్థానంలో పాకిస్తాన్ ఫాస్ట్ బౌలర్ మహ్మద్ సమీ నిలిచాడు. 2004లో బంగ్లాదేశ్తో జరిగిన మ్యాచ్లో సమీ ఒకే ఓవర్లో 17 బంతులు వేసాడు. ఆ ఓవర్లో 7 వైడ్లు, 4 నోబాల్స్ ఉండటం విశేషం.
ఒకే ఓవర్లో చెత్త రికార్డులు నెలకొల్పిన బౌలర్లు
మూడో స్థానంలో వెస్టిండీస్కు చెందిన కర్టి ఆంబ్రోస్ ఉన్నాడు. 1997లో ఆస్ట్రేలియాతో మ్యాచ్లో ఆంబ్రోస్ ఒక ఓవర్లో 15 బంతులు వేసాడు. ఆ ఓవర్లో 9 నోబాల్స్ నమోదు చేయడం విశేషం.నాలుగో స్థానంలో న్యూజిలాండ్ బౌలర్ డారిల్ టఫీ నిలిచాడు. 2005లో ఆస్ట్రేలియాతో జరిగిన మ్యాచ్లో టఫీ ఒక ఓవర్లో 14 బంతులు వేశాడు. ఇందులో 4 వైడ్లు, 4 నోబాల్స్ ఉన్నాయి.ఈ జాబితాలో చివరి స్థానంలో ఇంగ్లాండ్కు చెందిన స్కాట్ బోస్వెల్ ఉన్నాడు. 2001లో ది బి ట్రోఫీలో స్కాట్ బోస్వెల్ ఒకే ఓవర్లో 14 బంతులు వేశాడు.ఈ రికార్డులు అంతర్జాతీయ క్రికెట్ చరిత్రలో చెత్త గుర్తింపుగా నిలిచిపోయాయి. అయితే, వీరందరూ ఒక దశలో తమ కెరీర్ను నిలబెట్టుకునేందుకు చేసిన ప్రయత్నాల్లో విఫలమయ్యారని చెప్పుకోవచ్చు.
Read More : IPL 2025: సీఎస్కే పై ఎస్ఆర్హెచ్ ఘన విజయం
