Jayden Seales : మిగిలిన మూడు జట్లు – గయానా అమెజాన్ వారియర్స్, సెయింట్ కిట్స్ అండ్ నీవిస్ పేట్రియట్స్, బార్బడోస్ రాయల్స్ –(Jayden Seales) ఇంకా ప్లేఆఫ్స్ అవకాశాలు దక్కించుకునే రేసులోనే ఉన్నాయి.
అంటిగ్వా అండ్ బార్బుడా ఫాల్కన్స్ 103/6 (జాంగూ 51, మోయిన్ 2-10, తాహిర్ 2-27) గయానా అమెజాన్ వారియర్స్ 99 (హోప్ 26, సీల్స్ 4-15, మిర్ 3-17)ను 4 వికెట్ల తేడాతో ఓడించింది*
జేడెన్ సీల్స్ నాలుగు వికెట్లు తీసిన అద్భుత బౌలింగ్, ఆమిర్ జాంగూ అజేయ అర్ధశతకం బాదడంతో, అంటిగ్వా అండ్ బార్బుడా ఫాల్కన్స్ బుధవారం గయానా అమెజాన్ వారియర్స్పై 6 వికెట్ల తేడాతో కీలక విజయాన్ని సాధించింది. ఈ విజయంతో ఫాల్కన్స్ తమ 10 మ్యాచ్లలో 11 పాయింట్లతో సీపీఎల్ 2025 ప్లేఆఫ్స్లో స్థానం ఖాయం చేసుకుంది.
టాస్ గెలిచి బౌలింగ్ ఎంచుకున్న ఫాల్కన్స్ తరఫున సీల్స్ తొలి ఓవర్ల నుంచే దాడి ప్రారంభించాడు. నాలుగో ఓవర్లో మోయిన్ అలీ వికెట్ తీసి, పవర్ప్లే చివరి ఓవర్లో బెన్ మెక్డెర్మట్, షిమ్రాన్ హెట్మైర్లను పెవిలియన్కి పంపించాడు. దీంతో వారియర్స్ స్కోరు 26/3గా కుప్పకూలింది.
శై హోప్ (14 బంతుల్లో 26, 3 ఫోర్లు, 1 సిక్స్) కొద్దిసేపు ప్రతిఘటించినా, 9వ ఓవర్లో ఉసామా మిర్ అతన్ని బౌల్డ్ చేసి, తరువాత రన్ అవుట్లో కూడా కీలక పాత్ర పోషించాడు. చివరికి వారియర్స్ 18.2 ఓవర్లలో 99 పరుగులకే ఆలౌట్ అయ్యింది. సీల్స్ 4/15, మిర్ 3/17తో మెరిశారు.
100 రన్స్ టార్గెట్ చేధనలో ఫాల్కన్స్ తొలుత తడబడ్డారు. పవర్ప్లేలోనే ఆండ్రీస్ గౌస్, కెవిన్ విక్హామ్, కరీమా గోర్, షకీబ్ అల్ హసన్ అవుట్ కావడంతో వారియర్స్ ఆశలు రేకెత్తాయి. అయితే ఓపెనర్ జాంగూ అజేయంగా నిలిచి జట్టును విజయతీరాలకు చేర్చాడు. 57 బంతుల్లో 51 పరుగులు (3 ఫోర్లు, 2 సిక్సులు) సాధించి, చివరి వరకు క్రీజ్లో నిలిచాడు.
మోయిన్ అలీ (2/10), ఇమ్రాన్ తాహిర్ (2/27) బాగా బౌలింగ్ చేసినా, జాంగూ శాంతంగా ఆడి నాలుగు బంతులు మిగిలి ఉండగానే జట్టుకు విజయాన్ని అందించాడు.
ఈ విజయంతో ఫాల్కన్స్, ఇప్పటికే క్వాలిఫై అయిన సెయింట్ లూసియా కింగ్స్, ట్రిన్బాగో నైట్ రైడర్స్లతో కలిసి ప్లేఆఫ్స్లో చోటు దక్కించుకుంది.
ఇక మిగిలిన మూడు జట్లు – అమెజాన్ వారియర్స్, సెయింట్ కిట్స్ అండ్ నీవిస్ పేట్రియట్స్ (9 మ్యాచ్లలో 6 పాయింట్లు), బార్బడోస్ రాయల్స్ (7 మ్యాచ్లలో 3 పాయింట్లు) – ఇంకా రేసులో ఉన్నాయి. అయితే అమెజాన్ వారియర్స్ రాబోయే మ్యాచ్లో టాప్ జట్టు కింగ్స్పై గెలిస్తే, వారే నేరుగా ప్లేఆఫ్స్లోకి వెళ్లిపోతారు. పేట్రియట్స్, రాయల్స్ ఆశలు అప్పుడు ముగిసిపోతాయి.
Read also :