Clutch Chess 2025: విశ్వనాథన్ ఆనంద్‌పై గ్యారీ కాస్పరోవ్ విజయం

చెస్ ప్రపంచంలో మరోసారి చరిత్ర పునరావృతమైంది. లెజెండరీ గ్రాండ్‌మాస్టర్ల మధ్య జరిగిన “క్లచ్ చెస్ లెజెండ్స్ మ్యాచ్” (Clutch Chess) లో రష్యా దిగ్గజం గ్యారీ కాస్పరోవ్ (Garry Kasparov), భారత చెస్ మాస్టర్ విశ్వనాథన్ ఆనంద్‌పై (Viswanathan Anand) ఘన విజయాన్ని సాధించాడు.

Rohit Sharma: రోహిత్ శర్మ సిక్స్.. సొంత కారు డ్యామేజ్

ఇద్దరి మధ్య జరిగిన ఈ పోరు ప్రపంచవ్యాప్తంగా చెస్ అభిమానులను ఉత్కంఠకు గురి చేసింది. చివరి క్షణాల వరకు సాగిన ఈ తలపోరు 13-11 పాయింట్ల తేడాతో కాస్పరోవ్ గెలుపుతో ముగిసింది. ఈ ఫలితం 1995లో జరిగిన వారి ప్రపంచ చెస్ ఛాంపియన్‌షిప్‌ (World Chess Championship) ను గుర్తు చేసిందని అభిమానులు చెబుతున్నారు.ఈ మ్యాచ్‌ (Clutch Chess)లో కాస్పరోవ్ అద్భుతమైన ప్రదర్శన కనబరిచాడు.

కీలకమైన పదో గేమ్‌లో ఆనంద్‌ను ఓడించి, మరో రెండు బ్లిట్జ్ గేమ్‌లు మిగిలి ఉండగానే మ్యాచ్ విజయాన్ని ఖాయం చేసుకున్నాడు. చివరి రోజు ఆట ప్రారంభమయ్యేసరికి ఐదు పాయింట్ల ఆధిక్యంలో ఉన్న కాస్పరోవ్, అదే జోరును కొనసాగించాడు. రెండో గేమ్‌లో ఆనంద్ చేసిన ఒక వ్యూహాత్మక పొరపాటు ఓటమికి దారితీసింది.

ఇప్పటికే మ్యాచ్ ఓడిపోయినప్పటికీ

అయితే, ఇప్పటికే మ్యాచ్ ఓడిపోయినప్పటికీ, చివరి రెండు బ్లిట్జ్ గేమ్‌లలో ఆనంద్ అద్భుతంగా ఆడి విజయం సాధించడం గమనార్హం.ఈ విజయంతో 1995 నాటి జ్ఞాపకాలు మళ్లీ తెరపైకి వచ్చాయి.

1995 అక్టోబర్ 10న న్యూయార్క్‌ (New York) లోని వరల్డ్ ట్రేడ్ సెంటర్‌లో జరిగిన క్లాసికల్ వరల్డ్ ఛాంపియన్‌షిప్ ఫైనల్లో కూడా కాస్పరోవ్ చేతిలోనే ఆనంద్ ఓటమి పాలయ్యాడు. అప్పుడు 10.5-7.5 పాయింట్ల తేడాతో కాస్పరోవ్ గెలిచాడు.విజయం అనంతరం కాస్పరోవ్ మాట్లాడుతూ,

నేను గెలుస్తానని అస్సలు ఊహించలేదు

“ఈ మ్యాచ్‌లో నేను గెలుస్తానని అస్సలు ఊహించలేదు. చాలా మందిలాగే నా అంచనాలను కూడా మించి ఆడాను. చరిత్రలో నాతో ఆడిన మ్యాచ్‌లలో ఆనంద్‌కు మంచి రికార్డు లేదు. బహుశా గతం తాలూకు స్మృతులు ఆట సమయంలో అతడిని వెంటాడి ఉండవచ్చు. ఇది అతడిపై మానసిక ఒత్తిడి పెంచి ఉండొచ్చు” అని పేర్కొన్నాడు.

తన ఆట మునుపటిలా లేకపోయినా, ఇక్కడికి వచ్చి ప్రజలను అలరించడం తన కర్తవ్యంగా భావిస్తున్నానని అన్నాడు.ఈ టోర్నమెంట్‌లో మొత్తం 1,44,000 డాలర్ల ప్రైజ్ మనీ ఉండగా, విజేతగా నిలిచిన కాస్పరోవ్‌కు 78,000 డాలర్లు (సుమారు రూ. 65 లక్షలు), రన్నరప్‌గా నిలిచిన ఆనంద్‌కు 66,000 డాలర్లు (సుమారు రూ. 55 లక్షలు) లభించాయి.

Read hindi news: hindi.vaartha.com

Epaper : https://epaper.vaartha.com/