2025 ఐసీసీ ఛాంపియన్స్ ట్రోఫీ షెడ్యూల్పై తీవ్ర విమర్శలు వ్యక్తమవుతున్నాయి. భారత జట్టు దుబాయ్లో మాత్రమే మ్యాచ్లు ఆడాలని షెడ్యూల్ చేయగా, మిగతా జట్లు పాకిస్తాన్లో వివిధ వేదికల మధ్య ప్రయాణించాల్సిన పరిస్థితి ఏర్పడింది.ఐసీసీ హైబ్రిడ్ మోడల్ వల్ల కొన్ని జట్లు ప్రయోజనం పొందగా, మరికొన్ని ఇబ్బందులు ఎదుర్కొంటున్నాయి. షెడ్యూల్ మారుతుందా లేదా అనేదాని పై క్లారిటీ ఇంకా రావాల్సి ఉంది.
క్రికెటర్లు అసంతృప్తి
2025 ఛాంపియన్స్ ట్రోఫీ షెడ్యూల్పై ప్రస్తుతం తీవ్ర చర్చ జరుగుతోంది. షెడ్యూల్ ప్రకారం, భారతదేశం తన గ్రూప్ మ్యాచ్లన్నీ దుబాయ్లోనే ఆడనుంది. సెమీఫైనల్ కూడా అదే వేదికలో జరగనుంది.మిగతా జట్లు మాత్రం పాకిస్తాన్లోని వివిధ వేదికలకు ప్రయాణించాల్సి వస్తోంది.దీనిపై కొంతమంది క్రికెటర్లు అసంతృప్తి వ్యక్తం చేస్తున్నారు. గ్రూప్ బిలోని ఆస్ట్రేలియా, దక్షిణాఫ్రికా జట్లు శనివారం యూఏఈకి వెళ్లనున్నాయి, అయితే వీరిలో ఒక జట్టు తిరిగి పాకిస్తాన్ రావాల్సిన పరిస్థితి ఏర్పడవచ్చు.
పాట్ కమ్మిన్స్ వ్యాఖ్యలు
దక్షిణాఫ్రికా ఆటగాడు వాన్ డెర్ డస్సెన్, ఆస్ట్రేలియా మాజీ కెప్టెన్ పాట్ కమ్మిన్స్ తమ అసంతృప్తిని వ్యక్తం చేశారు.భారతదేశం తమ అన్ని మ్యాచ్లను ఒకే వేదికలో ఆడేలా షెడ్యూల్ చేయడం అన్యాయం. మిగతా జట్లు ప్రయాణాలతో అలసిపోతే, భారత్కు ప్రయోజనం కలుగుతుందా అని వారు ప్రశ్నిస్తున్నారు.
సెమీఫైనల్ వేదిక
సెమీఫైనల్ మ్యాచ్లు మర్చి 4, 5 తేదీలలో జరుగుతాయి. మొదటి సెమీఫైనల్ దుబాయ్లో, రెండోది లాహోర్లో జరుగుతుందని తెలుస్తోంది. అయితే, గ్రూప్ బినుంచి సెమీఫైనల్కు అర్హత సాధించిన జట్లు వేదిక మార్పుల వల్ల ప్రయాణించాల్సిన పరిస్థితి ఏర్పడుతోంది.ఐసీసీ ప్రకారం సెమీఫైనల్కు అర్హత పొందిన జట్లు తగినంత విశ్రాంతి తీసుకునేలా షెడ్యూల్ చేయాల్సిన అవసరం ఉంది. కానీ, ఒక జట్టు పాకిస్తాన్ నుంచి యూఏఈకి వెళ్లి మరుసటి రోజే తిరిగి రావాల్సిన పరిస్థితి ఇబ్బందికరంగా మారొచ్చు అని ఓ అధికారి వెల్లడించారు.భారత్ సెమీఫైనల్ గెలిస్తే, ఫైనల్ మ్యాచ్ దుబాయ్లో జరుగుతుంది. అయితే, భారత్ సెమీఫైనల్లో ఓడిపోతే, ఫైనల్ లాహోర్లోని గడ్డాఫీ స్టేడియంలో నిర్వహించనున్నారు.
హైబ్రిడ్ మోడల్పై మిశ్రమ స్పందన
2024-27 మధ్య ఐసీసీ టోర్నమెంట్లకు హైబ్రిడ్ మోడల్ను ప్రవేశపెట్టింది. ఈ మోడల్ వల్ల కొన్ని జట్లకు ప్రయోజనం కలుగుతుండగా, మరికొన్ని జట్లు ప్రయాణ సమస్యలు ఎదుర్కొంటున్నాయి. ముఖ్యంగా, భారత్ ప్రయాణ కష్టాల నుంచి విముక్తి పొందడం, ఇతర జట్లు పాకిస్తాన్లో ప్రయాణిస్తూ అలసిపోయే పరిస్థితి ఎదురుకావడం వివాదాస్పదంగా మారింది.2025 ఛాంపియన్స్ ట్రోఫీ షెడ్యూల్ గందరగోళంగా మారింది. భారత్కు అనుకూలంగా షెడ్యూల్ రూపొందించారని, మిగతా జట్లు ప్రయాణంతో అలసిపోతున్నాయని విమర్శలు ఉన్నాయి. ఐసీసీ ఇంకా ఈ విమర్శలపై స్పందించాల్సి ఉంది. అయితే, టోర్నమెంట్ మొదలయ్యే లోపు షెడ్యూల్లో మార్పులు చేయనున్నారా? లేదా ఇప్పుడే ఖరారైన షెడ్యూల్ ప్రకారమే మ్యాచ్లు కొనసాగుతాయా? అనే ప్రశ్నలకు సమాధానం రావాల్సి ఉంది.