Brendon McCullum: ఇంగ్లండ్ క్రికెట్ జట్టు హెడ్ కోచ్ బ్రెండన్ మెకల్లమ్ ప్రస్తుతం కెరీర్లో అత్యంత క్లిష్టమైన దశను ఎదుర్కొంటున్నారు. ఆస్ట్రేలియాతో జరిగిన యాషెస్ 2025-26 సిరీస్లో ఇంగ్లండ్ 4-1 తో ఘోర పరాజయం పాలైన తర్వాత, జట్టులోని క్రమశిక్షణ, కోచింగ్ పై తీవ్ర విమర్శలు వెల్లువెత్తుతున్నాయి. మెకల్లమ్ కోచింగ్లో ‘బాజ్బాల్’ (Bazball) అనే దూకుడు ఆటతీరుతో ఇంగ్లండ్ టెస్ట్ క్రికెట్లో సంచలనాలు సృష్టించినప్పటికీ, తాజాగా వెలుగులోకి వచ్చిన ‘ల్యాడ్స్ క్లబ్’ ఆరోపణలు ఆయన విశ్వసనీయతను దెబ్బతీస్తున్నాయి.
Read Also: Ishan Kishan: SRH కెప్టెన్కు అవమానం: ఔట్ చేసి వెళ్ళిపోమంటూ సైగ చేసిన బౌలర్
ఒకప్పుడు జట్టులో స్నేహపూర్వక వాతావరణం కోసం తెచ్చిన ఈ విధానం, ఇప్పుడు కొందరు ఆటగాళ్లకే పరిమితమై ఒక ప్రత్యేక గ్రూపుగా మారిందని, ఇది జట్టు ఐక్యతను దెబ్బతీస్తోందని పలువురు భావిస్తున్నట్లు ఒక నివేదిక వెల్లడించింది. యాషెస్ సిరీస్ మధ్యలో నోసాలో విరామం తీసుకున్నప్పుడు, కొందరు ఆటగాళ్లు బహిరంగంగా మద్యం సేవించి కనిపించడం ఈ ఆరోపణలకు బలం చేకూరుస్తోంది.
Brendon McCullum: మెకల్లమ్, ఈసీబీ స్పందన:
మెకల్లమ్ తరచూ వేపింగ్ చేస్తుండటంతో ఆ అలవాటును అనుమతించే ‘రొకోకో బిస్ట్రో’ అనే రెస్టారెంట్కు ఆటగాళ్లు ఎక్కువగా వెళుతున్నారని కూడా తెలిసింది.ఈ ఆరోపణలు తీవ్ర ఒత్తిడి సృష్టిస్తున్నప్పటికీ, ఇంగ్లండ్ అండ్ వేల్స్ క్రికెట్ బోర్డు (ఈసీబీ) మెకల్లమ్పై నమ్మకం ఉంచింది. ఆయన్నే అన్ని ఫార్మాట్లకు కోచ్గా కొనసాగించాలని నిర్ణయించినట్లు సమాచారం. టెస్ట్ కెప్టెన్ బెన్ స్టోక్స్తో కుదిరిన అవగాహన మేరకు, 2027 వన్డే ప్రపంచకప్ వరకు మెకల్లమ్ తన పదవిలో కొనసాగే అవకాశం ఉంది.
Read hindi news: hindi.vaartha.com
Epaper: epaper.vaartha.com
Read Also:
