2025 అంతర్జాతీయ క్రికెట్ క్యాలెండర్లో భారత్ స్వదేశంలో నిర్వహించబోయే కీలక టెస్ట్, వన్డే, టీ20 సిరీస్లకు సంబంధించి బీసీసీఐ (Board of Control for Cricket in India) సోమవారం కీలక ప్రకటన చేసింది. ఆటగాళ్లు, అభిమానులు అనుభవించే వాతావరణం, మైదాన వసతులు మరియు నగరాల లాజిస్టిక్స్ పారామితులనూ పరిగణనలోకి తీసుకొని వేదికల్లో మార్పులు చేసింది. ముఖ్యంగా దక్షిణాఫ్రికా, వెస్టిండీస్ జట్లతో జరగబోయే టెస్ట్ మ్యాచుల షెడ్యూల్కు ఈ మార్పులు వర్తిస్తాయి.
దక్షిణాఫ్రికాతో టెస్ట్ సిరీస్ – ఈడెన్ గార్డెన్స్కి తిరిగి గౌరవం
2025 నవంబర్ 14న న్యూఢిల్లీలోని అరుణ్ జైట్లీ స్టేడియంలో జరగాల్సిన భారత్, దక్షిణాఫ్రికా జట్ల మధ్య తొలి టెస్ట్ మ్యాచ్ను కోల్కతాలోని చారిత్రక ఈడెన్ గార్డెన్స్కు మార్చారు. ఈ మార్పుతో సుదీర్ఘ కాలం తర్వాత ఈడెన్ గార్డెన్స్ ఓ ప్రతిష్టాత్మక టెస్ట్ మ్యాచ్కు ఆతిథ్యం ఇవ్వనుండటంతో అభిమానుల్లో ఆసక్తి నెలకొంది.
వెస్టిండీస్తో టెస్ట్ వేదిక మార్పులు
వెస్టిండీస్తో జరగాల్సిన రెండో టెస్ట్ మ్యాచ్కు ముందుగా కోల్కతాను వేదికగా నిర్ణయించగా, తాజా మార్పులతో ఆ మ్యాచ్ను న్యూఢిల్లీలోని అరుణ్ జైట్లీ స్టేడియానికి మార్చారు. వెస్టిండీస్తో టెస్ట్ సిరీస్ అక్టోబర్ 2న అహ్మదాబాద్లో ప్రారంభం కానుంది
వన్డే సిరీస్ వేదికల మార్పులు – మహిళల క్రికెట్కు కూడా ప్రభావం
భారత్-ఆస్ట్రేలియా మహిళల వన్డే సిరీస్ వేదికల్లోనూ మార్పులు చోటుచేసుకున్నాయి. ఆటగాళ్లకు, అభిమానులకు సాధ్యమైనంత ఉత్తమమైన సౌకర్యాలు, మంచి అనుభూతి కల్పించే విస్తృత ప్రయత్నాల్లో భాగంగానే ఈ మార్పులు చేసినట్లు బీసీసీఐ వివరించింది. పురుషుల మ్యాచ్లతో పాటు భారత్, ఆస్ట్రేలియా మహిళల జట్ల మధ్య జరగాల్సిన వన్డే సిరీస్ వేదికల్లో కూడా మార్పులు చోటుచేసుకున్నాయి.
చెన్నైలోని ఎంఏ చిదంబరం స్టేడియంలో జరుగుతున్న పునరుద్ధరణ పనుల కారణంగా ఈ నిర్ణయం తీసుకున్నారు. తొలి రెండు వన్డేలు న్యూ చండీగఢ్లోని న్యూ పీసీఏ స్టేడియంలో జరగనుండగా, చివరి మ్యాచ్ ఢిల్లీలోని అరుణ్ జైట్లీ స్టేడియానికి మారింది.
అప్డేటెడ్ షెడ్యూల్:
ఇండియా vs వెస్టిండీస్ – టెస్ట్ సిరీస్
మొదటి టెస్ట్ – అక్టోబర్ 2 నుండి అక్టోబర్ 6 వరకు అహ్మదాబాద్లోని నరేంద్ర మోడీ స్టేడియంలో
రెండో టెస్ట్ – అక్టోబర్ 10 నుండి అక్టోబర్ 14 వరకు న్యూఢిల్లీలోని అరుణ్ జైట్లీ స్టేడియంలో
ఇండియా vs దక్షిణాఫ్రికా – టెస్ట్ సిరీస్
మొదటి టెస్ట్- నవంబర్ 14 నుండి నవంబర్ 18 వరకు కోల్కతాలోని ఈడెన్ గార్డెన్స్
రెండోటెస్టు- నవంబర్ 22 నుంచి నవంబర్ 26 వరకు గౌహతిలో
వన్డే సిరీస్
మొదటి వన్డే – నవంబర్ 30 – రాంచీ
రెండో వన్డే – డిసెంబర్ 3న రాయ్పూర్లో
మూడో వన్డే – డిసెంబర్ 6 – వైజాగ్
టీ20 సిరీస్
మొదటి టీ20- డిసెంబర్ 9 – కటక్లో
రెండో టీ20- డిసెంబర్ 11 – ముల్లన్పూర్
మూడు టీ20- డిసెంబర్ 14 – ధర్మశాల
నాలుగో టీ20- డిసెంబర్ 17 – లక్నో
ఐదో టీ20- డిసెంబర్ 19 – అహ్మదాబాద్
Read also: TNPL 2025: మహిళా అంపైర్తో అశ్విన్ తీవ్ర వాగ్వాదం