ఆసియా కప్ కోసం బీసీసీఐ ప్రకటించిన టీమిండియా జట్టు ప్రస్తుతం తీవ్ర చర్చలకు దారితీస్తోంది. ముఖ్యంగా, అద్భుతమైన ఫామ్లో ఉన్న స్టార్ బ్యాటర్ శ్రేయస్ అయ్యర్ (Shreyas Iyer) జట్టులో కూడా లేకపోవడం మాత్రమే కాదు, స్టాండ్బై ఆటగాళ్ల జాబితాలో కూడా పేరు లేకపోవడం అభిమానులను ఆశ్చర్యానికి గురిచేస్తోంది.శ్రేయస్ అయ్యర్ గత రెండేళ్లలో టీమిండియా కోసం అనేక సందర్భాల్లో తన ప్రతిభను రుజువు చేశాడు. 2023 ఛాంపియన్స్ ట్రోఫీలో అతడు కీలక ఇన్నింగ్స్ ఆడి జట్టు విజయానికి కారణమయ్యాడు. అంతేకాకుండా, ఐపీఎల్ 2025లో పంజాబ్ (Punjab Kings) కింగ్స్ జట్టుకు నాయకత్వం వహిస్తూ జట్టును ఫైనల్ వరకు నడిపించాడు. ఈ రీతిగా నిరంతరం ఫామ్లో ఉన్న బ్యాటర్ను ఆసియా కప్ జట్టులో పక్కన పెట్టడం పెద్ద ప్రశ్నగా మారింది.
మాజీ కోచ్ అభిషేక్ నాయర్ ఆగ్రహం
ఈ నిర్ణయంపై టీమిండియా మాజీ సహాయక కోచ్ అభిషేక్ నాయర్ (Abhishek Nair) తీవ్ర అసంతృప్తి వ్యక్తం చేశాడు. “శ్రేయస్ అయ్యర్ లాంటి స్టార్ ప్లేయర్ కనీసం రిజర్వ్ ఆటగాళ్లలో కూడా ఎలా లేడో నాకు అర్థం కావడం లేదు. అతడిని 20 మంది సభ్యుల బృందంలో కూడా ఎందుకు తీసుకోలేదో అంతుబట్టడం లేదు. ఈ నిర్ణయం ద్వారా అతను జట్టు ప్రణాళికల్లో లేడనే స్పష్టమైన సందేశం పంపారు” అని ఆయన అన్నాడు. కొన్నిసార్లు సెలెక్షన్ అనేది ఆటగాళ్ల ప్రతిభ కంటే, ఎవరిని ఎక్కువగా ఇష్టపడతారనే దానిపై ఆధారపడి ఉంటుందేమోనని అభిషేక్ నాయర్ సంచలన వ్యాఖ్యలు చేశాడు.
అభిషేక్ శర్మకు బౌలింగ్ కూడా చేయగల సామర్థ్యం
మరోవైపు, ఈ విషయంపై బీసీసీఐ చీఫ్ సెలెక్టర్ అజిత్ అగార్కర్ (Ajit Agarkar) స్పందించారు. “శ్రేయస్ విషయంలో అతని తప్పేమీ లేదు, మాది కూడా కాదు. మేము కేవలం 15 మందిని మాత్రమే ఎంపిక చేయగలం. ప్రస్తుతానికి అతను తన అవకాశం కోసం వేచి ఉండాలి” అని వివరణ ఇచ్చారు. అభిషేక్ శర్మకు బౌలింగ్ కూడా చేయగల సామర్థ్యం ఉండటంతో, యశస్వి జైస్వాల్ వంటి ఆటగాడిని పక్కన పెట్టాల్సి వచ్చిందని అగార్కర్ పరోక్షంగా సూచించారు.ఐపీఎల్ 2025 సీజన్లో శ్రేయస్ అయ్యర్ 17 మ్యాచ్లలో 175.07 స్ట్రైక్ రేట్తో 604 పరుగులు చేసి, ఆరో అత్యధిక స్కోరర్గా నిలిచాడు. ఇంతటి ఫామ్లో ఉన్న ఆటగాడిని కీలకమైన టోర్నమెంట్కు ఎంపిక చేయకపోవడంపై క్రీడా వర్గాల్లో భిన్నాభిప్రాయాలు వ్యక్తమవుతున్నాయి.
అభిషేక్ నాయర్ ఎవరు?
అభిషేక్ నాయర్ ఒక భారత క్రికెటర్. ఆయన ఎడమచేతి బ్యాటర్, కుడిచేతి మీడియం పేస్ బౌలర్. ముంబై రంజీ ట్రోఫీ జట్టుకు ప్రాతినిధ్యం వహించారు.
ఆయన పూర్తి పేరు ఏమిటి?
అభిషేక్ మఖుంద్ నాయర్ (Abhishek Makund Nayar) అనేది ఆయన పూర్తి పేరు.
Read hindi news: hindi.vaartha.com
Read also: