ఆసియా కప్ 2025 (Asia Cup 2025) టీ20 టోర్నమెంట్ కోసం భారత జట్టు ప్రకటించిన తర్వాత అభిమానుల్లో, మాజీ ఆటగాళ్లలో, క్రికెట్ నిపుణుల్లో విస్తృత చర్చలు జరుగుతున్నాయి. ముఖ్యంగా యంగ్ ఓపెనర్ యశస్వి జైస్వాల్ ను జట్టు నుంచి తప్పించడంపై పెద్ద ఎత్తున విమర్శలు వెల్లువెత్తుతున్నాయి. జైస్వాల్ వరుసగా అద్భుత ప్రదర్శనలు ఇస్తూ భారత జట్టు భవిష్యత్తు ఓపెనర్గా పేరు తెచ్చుకున్న సమయంలో సెలక్టర్లు ఆయనను పక్కన పెట్టడంపై క్రికెట్ వర్గాల్లో అసంతృప్తి వ్యక్తమవుతోంది.ఈ నిర్ణయంపై భారత జట్టు సీనియర్ స్పిన్నర్ రవిచంద్రన్ అశ్విన్ (Ravichandran Ashwin) గట్టి ప్రతిస్పందన వ్యక్తం చేశారు. తన యూట్యూబ్ ఛానెల్లో మాట్లాడుతూ – “జైస్వాల్ ఒక నిస్వార్థ ఆటగాడు. జట్టు కోసం త్యాగం చేసే, కష్టపడే, ప్రతీ మ్యాచ్లోనూ శతవిధాలా కృషి చేసే ఆటగాడు.
వ్యక్తిగత రికార్డులపైనే దృష్టి పెట్టే ప్రమాదం ఉంది
అటువంటి ప్లేయర్ను అకస్మాత్తుగా తప్పించడం చాలా బాధాకరం. ఒక ఆటగాడి మనోధైర్యంపై ఈ తరహా నిర్ణయాలు ప్రతికూల ప్రభావం చూపుతాయి” అని వ్యాఖ్యానించారు.అశ్విన్ ఇంకా మాట్లాడుతూ, – “జైస్వాల్ వంటి ఆటగాళ్లకు అవకాశం ఇవ్వకుండా, ఇలా తప్పిస్తే భవిష్యత్తులో ఆయన జట్టు విజయాన్ని కంటే వ్యక్తిగత రికార్డులపైనే దృష్టి పెట్టే ప్రమాదం ఉంది. ఇది క్రికెట్కు, జట్టు ఆత్మకు మంచిది కాదు” అని ఆవేదన వ్యక్తం చేశారు.జైస్వాల్ (Yashasvi Jaiswal) ప్రదర్శనను ప్రస్తావిస్తూ, “టెస్టు క్రికెట్లో అవకాశం రాగానే రెండు చేతులా అందిపుచ్చుకున్నాడు. ఇటీవలి కాలంలో అరంగేట్రం చేసిన భారత టెస్ట్ బ్యాటర్లలో అత్యంత విజయవంతమైన ఆటగాడు అతనే. ఏ ఫార్మాట్లో అవకాశం ఇచ్చినా జట్టు కోసం అద్భుతంగా రాణించాడు.
ఆటగాళ్లను ప్రోత్సహించాల్సింది పోయి, ఇలా పక్కన పెట్టడం సరైన పద్ధతి కాదు
ఇంతకంటే ఒక ఆటగాడు ఇంకేం చేయగలడు? అయినా అతనికి జట్టులో చోటు దక్కలేదు” అని అశ్విన్ ఆవేదన వ్యక్తం చేశారు.టీ20 ఫార్మాట్లో జైస్వాల్ 165 స్ట్రైక్ రేట్ కలిగి ఉన్నాడని, అతను ఎప్పుడూ జట్టు ప్రయోజనాలకే ప్రాధాన్యత ఇస్తాడని అశ్విన్ గుర్తుచేశారు. “జైస్వాల్ వంటి ఆటగాళ్లు దొరకడం చాలా కష్టం. బంతిని బాదాల్సి వస్తే ఏమాత్రం వెనుకాడడు. అలాంటి ఆటగాళ్లను ప్రోత్సహించాల్సింది పోయి, ఇలా పక్కన పెట్టడం సరైన పద్ధతి కాదు” అని ఆయన సెలక్టర్ల నిర్ణయాన్ని విమర్శించారు. ఈ ఉదంతంతో జైస్వాల్ మళ్లీ మొదటి నుంచి తన కెరీర్ను నిర్మించుకోవాల్సిన పరిస్థితి ఏర్పడిందని అశ్విన్ పేర్కొన్నారు.
అశ్విన్ టెస్ట్ క్రికెట్లో ప్రత్యేకత ఏమిటి?
అశ్విన్ టెస్ట్ క్రికెట్లో భారత తరఫున అత్యధిక వికెట్లు తీసిన బౌలర్లలో ఒకరు. స్పిన్ బౌలింగ్లో ఆయన వేరువేరు రకాల డెలివరీలతో ఆడుతారు.
అశ్విన్ ఆల్రౌండర్గా ఎలా రాణించారు?
బౌలింగ్తో పాటు బ్యాటింగ్లోనూ అశ్విన్ అద్భుత ప్రతిభ చూపారు. ఆయన టెస్ట్ల్లో అనేక సెంచరీలు కూడా సాధించారు.
Read hindi news: hindi.vaartha.com
Read also: