భారత క్రికెట్ దిగ్గజం సచిన్ టెండూల్కర్ కుమారుడు అర్జున్ టెండూల్కర్, తన చిరకాల స్నేహితురాలు సానియా చందోక్ల వివాహ వేడుకలు ముంబైలో అత్యంత వైభవంగా ప్రారంభమయ్యాయి. మంగళవారం రాత్రి నిర్వహించిన ప్రీ-వెడ్డింగ్ బాష్ (వేడుక) కళ్ళకు విందుగా నిలిచింది. ఈ వేడుకలో టెండూల్కర్ కుటుంబ సభ్యులంతా భారతీయ సంప్రదాయ దుస్తుల్లో మెరిసిపోయారు. ప్రత్యేకించి కాబోయే వరుడు అర్జున్ టెండూల్కర్ బేజ్ కలర్ బంధ్గాలా సూట్లో ఎంతో హుందాగా కనిపించగా, వధువు సానియా గోటా-పట్టి వర్క్ ఉన్న లెహంగాలో దేవకన్యలా మెరిసిపోయి అందరి దృష్టిని ఆకర్షించింది.
Read Also : DK Shivakumar : పాలు-తేనె బంధం, సీఎం మార్పుపై డీకే క్లారిటీ
ఈ వేడుకకు క్రీడా ప్రపంచంతో పాటు రాజకీయ, సినీ రంగానికి చెందిన ప్రముఖులు విచ్చేశారు. సచిన్ సన్నిహిత మిత్రులు, మాజీ క్రికెటర్లు హర్భజన్ సింగ్, జహీర్ ఖాన్ తమ కుటుంబాలతో కలిసి హాజరై సందడి చేశారు. అలాగే మహారాష్ట్ర నవనిర్మాణ సేన అధినేత రాజ్ ఠాక్రే కూడా ఈ వేడుకలో పాల్గొని నూతన వధూవరులను ఆశీర్వదించారు. అతిథులందరికీ భారతీయ సంప్రదాయ పద్ధతిలో విందు ఏర్పాటు చేయగా, సచిన్ మరియు అంజలి టెండూల్కర్ స్వయంగా అతిథులను ఆహ్వానిస్తూ పెళ్లి పనుల్లో నిమగ్నమై కనిపించారు.
సుదీర్ఘ కాలంగా స్నేహితులుగా ఉన్న అర్జున్, సానియాలు ఇప్పుడు వైవాహిక జీవితంలోకి అడుగుపెడుతుండటంతో సోషల్ మీడియా వేదికగా అభిమానులు శుభాకాంక్షలు తెలుపుతున్నారు. నిరాడంబరంగానే కాకుండా, రాయల్ లుక్ వచ్చేలా ప్లాన్ చేసిన ఈ వేడుకలు రేపు జరగబోయే ప్రధాన వివాహంతో ముగియనున్నాయి. బుధవారం సాయంత్రం జరగబోయే ఈ వివాహ వేడుకకు మరిన్ని రాజకీయ మరియు క్రీడా దిగ్గజాలు హాజరయ్యే అవకాశం ఉంది.
Read Also hindi news: hindi.vaartha.com
Read Also Epaper : epaper.vaartha.com
Read Also :